జగన్ సభ-రోడ్ మూసివేత-దేవినేని ఫైర్

Posted: 10/24/2013 08:44 PM IST

ఓవైపు భారీ వర్షాల కారణంగా రైతుల పరిస్థితి అతలాకుతలం అయి.. పంటలకు తీవ్ర నష్టం జరిగితే జగన్ శంఖారావం చేస్తాననడం సిగ్గు చేటని టిడిపి సీనియర్ నేత దేవినేని ఉమ విమర్శించారు. రైతులు కన్నీరు కారుస్తుంటే శంఖారావం కావాల్సి వచ్చిందా అని ప్రశ్నించారు. రోమ్ నగరం తగలబడుతుంటే ఫిడేల్ వాయించిన నీరో చక్రవర్తిలా జగన్ వ్యవహరిస్తున్నారని తెలిపారు.

 

ప్రకాశం బ్యారేజీకి భారీగా వరద నీరు

ఎగువప్రాంతాల్లో కురుస్తున్న భారీ వర్షాల కారణంగా విజయవాడ ప్రకాశం బ్యారేజీకి భారీ వరద నీరు వచ్చి చేరుతోంది. దీంతో బ్యారేజీలో 70 గేట్లు అడుగు మేర ఎత్తి 50 వేల క్యూసెక్కుల నీటిని దిగువకు విడుదల చేస్తున్నారు. దీంతో బ్యారేజీ పరివాహక ప్రాంత వాసులు అప్రమత్తంగా ఉండాలని అధికారులు హెచ్చరించారు.సాగునీటి కాల్వలకు బ్యారేజీ నుంచి నీటి విడుదల నిలిపివేశారు. విజయవాడ రెవెన్యూ డివిజన్ పరిధిలోని అన్ని మండలాల్లో భారీ వర్షాలు కురుస్తున్నాయి. తోట్ల వల్లూరు మండలంలో అత్యధికంగా 96.8 మిల్లీమీటర్ల వర్షపాతం నమోదైంది. కంకిపాడులో 77.2, పెనమలూరులో 65.8, విజయవాడలో62.2, ఇబ్రహీంపట్నంలో 41.2, నందిగామలో 56.4, జగ్గయ్యపేటలో 58.2, చందర్లపాడులో 45.4, జి.కొండూరులో 32.2, పెనగంచిప్రోలులో 37.2, వీరులపాడులో 34.4, మైలవరంలో 18.6, కంచికచర్లలో 31.2 మి.మీ.వర్షపాతం నమోదైంది.

 

దుర్గ గుడి ఘాట్ రోడ్ మూసివేత

అల్పపీడన ప్రభావంతో కురుస్తున్న వర్షాల కారణంగా కొండ చెరియలు విరిగి పడే ప్రమాదం వుందని కనకదుర్గ ఘాట్ రోడ్డును అధికారులు మూసివేశారు.