వ్యాయామం తరువాత వీటిని తీసుకోండి...

Posted: 02/21/2014 04:58 PM IST

మనం ఆరోగ్యంగా వుండేందుకు ఎన్నో రకాల జాగ్రత్తలను పాటిస్తున్నాము. మనలో వున్న లోపాలకు తగ్గట్టు వాటిని తగిన పోషకాలను, ఔషద పదార్థాలను తీసుకుంటాం. అలాగే మన శరీరంలో వున్న అనవసరమైన కొవ్వును తగ్గించుకోవడానికి ప్రతిరోజూ వ్యాయామం కూడా చేస్తున్నాం. కానీ ప్రతిరోజూ వ్యాయామం చేయడం ద్వారా మనలోని కొంత శక్తిని కూడా కోల్పోతున్నాము. వ్యాయామం తరువాత మనం ఉత్సాహాన్ని కోల్పోయి ఆయాసంగా వుంటాం. దాని నుండి కోలుకోవడానికి చాలా సమయమే పడుతుంది. దీనిప్రభావం మన రోజువారి కార్యాకలాపాలపై పడే అవకాశాలు కూడ వున్నాయి. అందుకే దీనిని అధిగమించేందుకు వ్యాయామం తర్వాత ఖచ్చితంగా ఎనర్జీ ఫుడ్ ని తీసుకోవాలని సలహాలు ఇస్తున్నారు నిపుణులు. 

వ్యాయామం తరువాత మనం శక్తి (కేలరీలు)నే కాకుండా మనలో వున్న అత్యంత పోషకాలను కూడా కోల్పోతున్నాం. అయితే వీటిని మనం తిరిగి పొందాలంటే.. వ్యాయామం తరువాత ఉడికించిన అరకప్పు ఓట్స్ ని తీసుకుని, అందులో ఎండుద్రాక్ష, జీడిపప్పు, బాదం పప్పులతో కలిపి తినాలి. ఇది తిన్న తరువాత ఒక అరటిపండు, ఒక గ్లాసు పాలను తీసుకుంటే.. మనం కోల్పోయిన శక్తిని తక్షణంగా పొందవచ్చు. వీటితో పాటు ఉడికించిన గ్రుడ్డు, పొట్టు తీయని తృణధాన్యాలతో కలిపి తినడం వల్ల మనకు ఒక రోజంతటికీ కావలసిని శక్తి మన శరీరానికి లభిస్తాయి. అలాగే తక్కువ కేలరీలు, ఎక్కువ ప్రొటీన్లు వుండే చీజ్ లను, పండ్ల సలాడ్ లతో కలిపి తింటే మనకు మంచి ఫలితం లభిస్తుందని నిపుణులు అంటున్నారు. ఇలా ఈ విధంగా మనం వ్యాయామం తరువాత తీసుకుంటే.. మన శక్తితోపాటు, పోషకాలను పొందుతాం. అలాగే ఆరోగ్యవంతంగా, ఉత్సామంగా వుండగలం.