వేరుశెనగా మజాకా.. ఆరోగ్యానికి దివ్యౌషధం!

Posted: 05/18/2015 06:35 PM IST

Groundnuts health benefits heart diseases ovary problems home remedies

ప్రకృతి సహజంగా లభించే వాటిల్లో పోషకగుణాలు అత్యధికంగా వుంటాయని నిపుణులు చెబుతుంటారు. అలాంటి వాటిల్లో ‘వేరుశెనగలు’ ఆరోగ్యానికి దివ్యౌషధంలా పనిచేస్తాయని వారంటున్నారు. ఎందుకంటే.. వీటిల్లో ఎన్నోరకాలు పోషకాలు పుష్కలంగా వుంటాయి. అవి వివిధ రకాల ప్రమాదకరమైన వ్యాధుల నుంచి ఉపశమనం కలిగించడంతోపాటు నిత్యం ఆరోగ్యంగా వుండేలా తోడ్పడుతాయి.

ఇతర చిరుధాన్యాలతో పోల్చుకుంటే వేరుశెనగల్లో అద్భుతమైన పోషకాలున్నాయి. ఆ పోషకాలు మధుమేహం, గుండెపోటు, గర్భాశయ సమస్యలు, కేన్సర్, ఒబిసిటీ తదితర వ్యాధులను దూరం చేయడంలో సమర్థవంతంగా పనిచేస్తాయి. ఇంకా రకరకాల చిరుజబ్బులను సైతం ఈ శెనగలు దూరం చేస్తాయి. మరి.. వేరుశెనగల్లో వుండే పోషకాలేంటో.. వాటితో కలిగే ఆరోగ్య ప్రయోజనాలంటే తెలుసుకుందామా...

* ఈ శెనగల్లో యాంటీయాక్సిడెంట్స్ అధిక మోతాదులో నిల్వవుంటాయి. అవి శరీర బరువును తగ్గించడంతోపాటు వ్యాధినిరోధక శక్తిని పెంచడంలో సహాయపడుతాయి. అంతేకాదు.. గుండెపోటును నివారించడం, వృద్ధాప్య ఛాయలకు చెక్ పెట్టడం, జ్ఞాపకశక్తిని పెంచుతుంది, రక్తప్రసరణను క్రమబద్ధీకరిస్తుంది, మానసిక ఒత్తిడిని దూరం చేయడం వంటివి ప్రయోజనాలను అవి చేకూరుస్తాయి.

* వేరుశెనగల్లో ఫోలిక్ యాసిడ్ పుష్కలంగా ఉంటుంది. ఈ శెనగలను క్రమంగా తీసుకుంటే.. ఆ ఫోలిక్ యాసిడ్ గర్భాశయ సమస్యలను దూరం చేస్తుంది. గర్భాశయ క్యాన్సర్, గర్భాశయంలో గడ్డలు, సంతానలేమి వంటి సమస్యలను చెక్ పెట్టడంలో ఆ కంటెంట్ సమర్థవంతంగా పనిచేస్తుంది. జీర్ణ సమస్యలు కూడా దూరమవుతాయి.

* వేరుశెనగల్లోని మాంగనీస్ అనే ఖనిజం వుంటుంది. ఇది రక్తంలోని పిండి పదార్థాలు, కొవ్వును క్రమబద్ధీకరించడంలో దోహదపడుతుంది. అలాగే రక్తంలోని చక్కెర స్థాయిని తగ్గిస్తుంది. తద్వారా డయాబెటిస్‌ సమస్య దూరమవుతుంది. మధుమేహ వ్యాధిగ్రస్థులు రోజుకు ఓ గుప్పెడు వేరుశెనగల్ని తింటే ఆరోగ్యానికి మంచిది.

* ప్రతిరోజూ 30 గ్రాముల వేరుశెనగలు తీసుకుంటే.. హార్ట్ వాల్స్‌ను భద్రంగా తయారవుతాయని నిపుణులు కొన్ని పరిశోధనల నిమిత్తం స్పష్టం చేస్తున్నారు. తద్వారా గుండె సంబంధిత వ్యాధులు దూరమవుతాయని, పంపింగ్ విషయంలో ఎటువంటి ఇబ్బందులు వుండదని వారు పేర్కొంటున్నారు.

* వేరుశెనగల్లో మహిళలకు కావలసిన ఫోలిక్ యాసిడ్, ఫాస్పరస్, క్యాల్షియం, పొటాషియం, ఐరన్, విటమిన్ ఇ1, ఇ12, నియాసిన్, పీచు వంటివి సమృద్ధిగా వున్నాయి. అలాగే.. పిల్లలు, వృద్ధులు వేరుశెనగల్ని తీసుకుంటే.. వివిధ రకాల ఎముకల వ్యాధుల ఉపశమనం పొందవచ్చు.