బొప్పాయితో ఎన్నో ఆరోగ్య ఫలితాలు..

Posted: 05/01/2015 03:41 PM IST

మానవ శరీరానికి అవసరమయ్యే పోషక విలువలు ప్రకృతి సహజంగా లభించే ఆహారాల్లో లభ్యమవుతాయని నిపుణులు పేర్కొన్న విషయం తెలిసిందే! అటువంటి వాటిలో బొప్పాయి ఒకటి! ఈ బొప్పాయితో ఆరోగ్యంతోపాటు సౌందర్య ప్రయోజనాలు కూడా కలుగుతాయి. వీటిలో ఎన్నోరకాల పోషకాలు, ఖనిజాలు వుంటాయి. అవి వివిధ రకాల వ్యాధుల నుంచి దూరంగా వుంచి.. ఆరోగ్యంగా మెలిగేలా చేస్తాయి. అలాగే.. రకరకాల చర్మవ్యాధుల నుంచి దూరంగా వుంచడంతోపాటు మెరుగైన సౌందర్యాన్ని అందించడంలో అవి కీలకపాత్ర పోషిస్తాయి. అందుకే.. బొప్పాయి పండ్లను నిత్యం తీసుకుంటే ఆరోగ్యానికి చాలా మంచిదని నిపుణులు సూచిస్తున్నారు.

బొప్పాయితో కలిగే ప్రయోజనాలు :

* బొప్పాయి నిత్యం సేవిస్తే.. శరీరంలో వ్యాధినిరోధక శక్తి పెరుగుతుందని ఆరోగ్య నిపుణులు చెబుతున్నారు.
* బొప్పాయిలో విటమిన్ ఎ, సి, ఈ తదితరలు వుండటంతో.. దీనిని రెగ్యులర్ గా తీసుకుంటే ఒబిసిటీ సమస్య నుంచి ఉపశమనం పొందవచ్చు.
* శరీరంలోని చెడు కొలెస్ట్రాల్‌ను నియంత్రించాలంటే రోజూ పరగడుపున ఒక కప్పు బొప్పాయిని తీసుకోవడం మంచిది.
* బొప్పాయిలో పీచు పదార్థాలెక్కువగా వుంటాయి. అవి.. జీర్ణ సమస్యలను దూరం చేసి.. శరీరానికి ఎనర్జీనిస్తాయి.
* ఈ బొప్పాయి చర్మ వ్యాధులను నయం చేస్తుంది. చర్మ సంరక్షణకు ఎంతో మేలు చేస్తుంది. చర్మం ప్రకాశవంతమవుతుంది.
* కంటికి మేలు చస్తుంది. దృష్టిలోపాలను నయం చేయడంలో బొప్పాయి దివ్యౌషధంగా పనిచేస్తుంది.
* గుండె సంబంధిత వ్యాధులను నయం చేయడంతో పాటు క్యాన్సర్‌ను నిరోధిస్తుంది