ఒత్తిడి-ఆందోళనను తగ్గించే ఆరోగ్యకరమైన ఫుడ్స్

Posted: 02/26/2015 04:47 PM IST

ప్రస్తుత ఫాస్ట్ జనరేషన్ లో ఆఫీసు పని ఒత్తిడితోపాటు ఇంట్లో నిర్వహించుకునే రకరకాల కార్యక్రమాల నేపథ్యంలో ప్రతిఒక్కరు డిప్రెషన్ కు గురవుతారు. ఈ పరిస్థితి రానురాను మరింత ఎక్కువగా పెరిగితే మాత్రం మానసిక ఎన్నో ఇబ్బందులను ఎదుర్కోవలసి వస్తుంది. ఈ ఆందోళన స్థాయి పెరిగేకొద్దీ మనల్ని మనం నియంత్రించుకునే శక్తిని కోల్పోవాల్సి వస్తుంది. అంతేకాదు.. శరీర నొప్పి, తలనొప్పి, వికారం, వాంతులు, కడుపు ప్రణోత్పత్తి వంటి లక్షణాలు పెరుగుతాయి. జుట్టు, చర్మసౌందర్యంతోపాటు అనేక శరీర అవయవాల మీద ప్రభావం చూపుతుంది. అలాంటప్పుడు దీనిని సాధ్యమైనవంతరకు అదుపులో వుంచుకునేందుకు ప్రయత్నాలు చేయాలి.

ఈ ఒత్తిడి, ఆందోళన వంటి పరిస్థితులను అదుపులో వుంచుకోవడానికి కొన్ని సహజమార్గాలు అందుబాటులో వున్నాయి. పోషకాలతో నిండిన ఆరోగ్యకరమైన ఆహారాలను నిత్యం తీసుకుంటే.. అవి ఒత్తిడి, ఆందోళనను జయించడంలో ప్రముఖపాత్రను పోషిస్తాయి.. మరి.. అవేమిటో తెలుసుకుందామా...

అల్లం : ఒత్తిడి, ఆందోళనను జయించే పోషకాలు ఇందులో పుష్కలంగ వుంటాయి కాబట్టి.. అల్లం టీ త్రాగడం ఉత్తమమైన మార్గం.

జొజోబా : ఇందులో రిలాక్సింగ్ ప్రభావాలు వుంటాయి. జొజోబా కలిగిన సబ్బుతో శరీరాన్ని శుభ్రం చేసుకుంటే.. శరీరం, మనస్సు ప్రశాంతంగా ఉంటాయి.

జింగో బిలోబా : ఈ ఆకుల రసంలో ఆందోళన, ఒత్తిడిని జయించే ఫ్లేవోనిడ్గ్లైకోసైడ్లు, టెర్పెనోయిడ్లు ఉంటాయి. దీనిపై మరింత అవగాహనకు డాక్టర్ ని సంప్రదిస్తే మంచిది.

సీమ చామంతి : దీనిని పురాతన కాలంనుంచి ప్రశాంతత పొందడం కోసం ఉపయోగిస్తున్న ఔషధం. కొన్ని శాస్త్రీయ అధ్యయనాలు కూడా ఇది ఒత్తిడిని ఉపశమనం కలిగించడంలో సమర్థవంతంగా పనిచేస్తుందని తెలిపాయి. కాబట్టి.. దీని ద్వారా తయారుచేసిన టీ తాగితే ఎంతో మంచిది.

బ్లూ బెర్రీలు : వీటిలో యాంటీ ఆక్సిడెంట్స్, విటమిన్ సి సమృద్ధిగా వుంటాయి. ఇవి ఒత్తిడిని జయించడంలో కీలకపాత్రను పోషిస్తాయి.

చిలకడదుంప : వీటిలో బీటా కెరోటిన్, ఇతర విటన్లు పుష్కలంగా వుంటాయి. ఇవి శరీరానికి కార్బోహైడ్రేట్లు ప్రోసెస్ అవడానికి సహాయపడుతాయి.

ఎండి ఆప్రికాట్లు : వీటిలో మెగ్నీషియం సమృద్ధిగా వుంటుంది. ఇది సహజ కండరాల రిలాక్స్ కు సహాయపడటంతోపాటు ఒత్తిడి బస్టర్ గా పనిచేస్తాయి.