అల్లంలో దాగివున్న ఆరోగ్య ఫలితాలు...

Posted: 02/13/2015 06:15 PM IST

ఇటీవలే శాస్త్రవేత్తలు జరిపిన కొన్ని పరిశోధనల ఆధారంగా ‘అల్లం’ను ఒక దివ్యౌషధంలాంటిదని స్పష్టం చేస్తున్నారు. ఎందుకంటే.. మానవ శరీరానికి అత్యంత అవసరమైన పోషక విలువలు ఇందులో సమృద్ధిగా వున్నాయి. అవి వ్యాధినిరోధక శక్తిని పెంపొందించడంతోపాటు ఎన్నోరకాల చిరుజబ్బులను, గుండె సంబంధిత వ్యాధులను నయం చేయడంలో కీలకపాత్రను పోషిస్తాయని అంటున్నారు. అంతెందుకు.. అల్లం టీ ప్రతిరోజూ రెండుపూటల తీసుకుంటే జీర్ణ సమస్యలు చాలావరకు తగ్గుముఖం పడతాయని అందరికీ తెలిసిందే! పైగా.. మలినాలను సైతం అది పూర్తిగా తుడిచిపారేస్తుంది.

ఈ అల్లంలో యాంటీఇన్ఫ్లమేటరీ, యాంటీస్పాస్మోడిక్, యాంటీ ఫంగల్, యాంటీ సెప్టిక్, యాంటీ బ్యాక్టీరియల్, యాంటీ వైరల్ వంటి లక్షణాలు వుంటాయి. అంతేకాదు.. పొటాషియం, మెగ్నీషీయం, మ్యాంగనీస్, ఫాస్పరస్, జింక్, విటమిన్ ఎ, సి, ఇ, బికాంప్లెక్స్‌ వంటివి ఎన్నో ఖనిజాలు, పోషక విలువలు వుంటాయి. ఇన్ని ఆరోగ్యకరమైన విలువలను కలిగిన ఈ అల్లాన్ని రోజువారి డైట్ లో వాడితే ఎన్నో ఆరోగ్యప్రయోజనాలు పొందవచ్చు. అంతేకాదు.. ఆయుర్వేద వైద్యంలోనూ దీనిని ఉపయోగిస్తారు. దీని ప్రాముఖ్యతను తెలుసుకున్న విదేశాలు సైతం.. ఈ అల్లంతో ఎన్నోరకాల వైద్యాలు చేస్తున్నారు.

ఇక అల్లంతో పొందే ప్రయోజనాల విషయానికి వస్తే.. కడుపునొప్పి, అజీర్ణం, హార్ట్ బర్న్, వికారం, బాడీ పెయిన్, ఆర్థరైటిస్ పెయిన్, జలుబు, దగ్గు, ఇతర శ్వాస సంబంధిత ఆరోగ్య సమస్యలను, ఫీవర్, పీరియడ్స్‌లో తిమ్మెర్లను నివారించడానికి సహాయపడుతుంది. ముఖ్యంగా చిరుజబ్బులు దరిచేరకుండా చేస్తుంది. కాబట్టి.. ఈ అల్లంను రెగ్యులర్ డైట్ లో వాడటం ఎంతో శ్రేయస్కరం. అందుకే.. దీనిని దివ్యౌషధంగా పేర్కోవడం జరిగింది.