దగ్గునుంచి తక్షణ ఉపశమనం కలిగించే చిట్కాలు

Posted: 12/02/2014 03:46 PM IST

వాతావరణ పరిస్థితులను బట్టి అప్పుడప్పుడు కొన్ని రోగాలు సంభవించడం సహజం. అందులో దగ్గు, జలుబు, నొప్పులు వంటి వస్తుంటాయి. అయితే వీటిలో దగ్గువ్యాధి అంత సులువుగా వెళ్లదు. ఈ జలుబువల్ల ఇతర రోగాలు చాలా త్వరగా సంభవించే అవకాశాలు వుంటాయి. గొంతు ఆరిపోవడం, గొంతులో ఎక్కువ నొప్పిగా వుండటం, అలసటగా అనిపించడం లాంటివి మొదలుకుని.. మంచానపడేంత పరిస్థితి నెలకోవచ్చు.

కొన్ని సందర్భాల్లో ప్రాణాంతకమైన వ్యాధులు కూడా సోకవచ్చు.కాబట్టి... దగ్గు లక్షణాలు కనబడిన వెంటనే చికిత్స చేయించుకోవడం మంచిది. అందులో అలోపతి డ్రగ్స్ బ్రహ్మాండంగా పనిచేస్తాయి. అయితే వీటికంటే మరింత ఎఫెక్టివ్’గా పనిచేసే కొన్ని హోం రెమెడీస్ వున్నాయి. ఆ రెమెడీస్ త్వరగా దగ్గునుంచి ఉపశమనం కలిగించడంతోబాటు ఇతర జబ్బులను రాకుండా నివారించడంలో ప్రముఖంగా పనిచేస్తాయి. మరి అవేమిటో తెలుసుకుందాం..

1. గోరువెచ్చని నీరు : ఈ నీళ్ళను త్రాగడం వల్ల గొంతు నొప్పి తగ్గుతుంది. ముఖ్యంగా పొడి దగ్గుకు గురైనప్పుడు కొద్దికొద్దిగా నీళ్ళను త్రాగడం మొదలుపెడితే.. ఖచ్చితంగా తగ్గుముఖం పడేలా చేస్తుంది.

2. తేనె : ఇటీవలే నిర్వహించిన కొన్ని పరిశోధనల ప్రకారం.. గొంతు ఇన్ఫెక్షన్’ను నివారించడంలో తేనె అద్భుతంగా సహాయపడుతుందాని నిరూపించబడింది.

3. వేడినీటి స్నానం : స్టీమ్ షవర్ వల్ల స్రావాలు విడుదల అవుతాయి. దాంతో జలుబు మాత్రమే కాదు, అలర్జీ లేదా ఆస్తమా వల్ల వచ్చే దగ్గు కూడా త్వరగా తగ్గిపోతుంది.

4. గార్గిలింగ్ : దగ్గు ఎక్కువగా వున్నప్పుడు గోరువెచ్చని నీటిని నోటిలో వేసుకుని గార్గిలింగ్ చేస్తే మంచిది. ఇలా చేస్తే వెంటనే ఉపశమనం పొందవచ్చు.

5. మసాలా చాయ్: సాధారణ టీలో పసుపు జోడించడం వల్ల అది మసాలాచాయ్’గా మారుతుంది. ఇది దగ్గును నివారించడంలో చాలా ఎఫెక్టివ్ గా పనిచేస్తుంది.

6.  నిమ్మరసం, దాల్చిన చెక్క, తేనె : ముందుగా తేనె తీసుకుని దానిని నీటిలో వేసి బాగా మరగించాలి. తర్వాత దానికి దాల్చిన చెక్క, నిమ్మరసం మిక్స్ చేసి కలియబెట్టాలి. ఇలా తయారుచేసుకున్న ఈ మిశ్రమాన్ని ప్రతిరోజూ ఓ కప్పు తీసుకోవాలి.

7. సాలినే-గార్లిక్ : సాల్ట్ వాటర్’లో కొన్ని వెల్లుల్లి రెబ్బలు వేసి తీసుకోవాలి. దీనికి పసుపు కూడా జోడించడం వల్ల ఇన్ఫెక్షన్స్’కు యాంటీ సెప్టిక్ గా పనిచేస్తుంది.

8. తేనె-బ్రాంది: ఇవి శరీరంలో వేడి కలిగిస్తాయి కాబట్టి.. దగ్గు, జలుబు నివారణలో కీలకపాత్రలు పోషిస్తాయి. కేవలం ఒక చెంచా మాత్రమే తీసుకోవాలి.

9. ఆమ్లా : ఆమ్లా రెగ్యులర్ డైట్’లో చేర్చుకోవడం వల్ల శరీరంలో ఇమ్యూనిటిని పెంచుతుంది. రక్షణ కల్పిస్తుంది.

10.  స్పైసీ టీ : తులసి, అల్లం, బ్లాక్ పెప్పర్ టీలు చాలా ఫర్ఫెక్ట్ పదార్థాలు. దగ్గు ఎక్కువగా ఉన్నప్పుడు ఇవి చాలా ఎఫెక్టివ్ గా పనిచేస్తాయి.