నాన్-వెజ్ కంటే ఆకుకూరలే శ్రేయస్కరం

Posted: 08/04/2015 11:43 AM IST

Health benefits of spinach lettuce cilantro coriander best foods

రెగ్యులర్ గా నాన్-వెజ్ తినడం కంటే ఆకుకూరలు తింటే ఎంతో శ్రేయస్కరమని ఆరోగ్య నిపుణులు అంటున్నారు. ఆకుకూరల్లో శరీరానికి కావలసిన పోషకాలు, మినరల్స్, విటమిన్లు, ఐరన్ తదితరలు పుష్కలంగా లభిస్తాయని, అవి నిత్యం ఆరోగ్యంగా వుంచడంలో సహాయపడుతాయని చెబుతున్నారు. కాబట్టి.. రెగ్యులర్ డైట్ లో ఆకుకూరల్ని చేర్చుకుంటే, నిత్యం ఆరోగ్యంగా మెలగవచ్చు.

ఆకుకూరల్లో ఒకటైన పాలకూరలో ఎన్నో పోషకాలు దాగివున్నాయి. పప్పు, కూర, పులుసు, బజ్జీలు, పాలక్ పన్నీర్ వంటి రకరకాల వంటకాల్లో తినే పాలకూరల్లో అమినోయాసిడ్స్, ఐరన్, విటమిన్ ఎ, మెగ్నీషియం, సల్ఫర్, పోటాషియం, పోలిక్ యాసిడ్ వంటివి పుష్కలంగా ఉంటాయి. ఒక్కమాటలో చెప్పాలంటే.. మాంసాహారంలో ఉండే మాంసకృత్తులన్నీ ఈ పాలకూరలోనూ ఉంటాయి. కాబట్టి.. ఈ పాలకూరను రెగ్యులర్ డైట్ లో చేర్చుకుంటే ఎంతో శ్రేయస్కరమని ఆరోగ్య నిపుణులు సూచిస్తున్నారు.

పాలకూరలో ఏ విధంగా సుగుణాలు దాగివున్నాయో.. అవన్నీ మెంతికూరలోనూ లభిస్తాయి. ఖనిజ లవణాలతో పాటు.. అన్ని పరిమళభరిత పుదీనాలోనూ విటమిన్లకు, ఖనిజలవణలకు కొదవేమీలేదు. ఐరన్, విటమిన్ ఇ పుష్కలంగా వుంటాయి. తోటకూర తరచుగా తినడంవల్ల ఎ, బి1, బి2, సి విటమిన్లు.. కాల్షియం, ఐరన్, పొటాషియం, లోపాలకు చక్కని పరిష్కారం. చర్మాన్ని తొందరగా ముడతలు పడనీయదని ఆరోగ్య నిపుణులు అంటున్నారు.

ఆకుకూరల్లో మరో రకమైన కొత్తిమీరలో ఎన్నో పోషకగుణాలు దాగివుంటాయి. ప్రతి వందగ్రాముల కొత్తిమీరలో.. 10 మిల్లీగ్రాముల ‘ఐరన్’, 135 మిల్లీగ్రాముల ‘విటమిన్ సి’, ‘విటమిన్ ఏ’లతోపాటు, ఫాస్ఫరస్, కాల్షియం సమృధ్ధిగా లభిస్తాయి. ఈ కొత్తిమీరను చట్నీ, జ్యూస్ రూపంలో తీసుకుంటే అందులో వుండే పోషకాలు శరీరానికి నేరుగా అందుతాయి.