ఆరోగ్యానికి అల్లం టీ ఎంతో మేలు

Posted: 01/30/2014 07:29 PM IST

 

 

 

మనిషి జీవితంలో ‘టీ ’ ఒక భాగం అయిపోయింది. అలాంటి ఆరోగ్యాన్ని మరింత మేలు చేయాలంటే అందులో కాస్తంత అల్లం వేసుకుంటే సరి. అల్లం వేసుకొని రోజు ఒక కప్పు టీ తాగితే అది ఆరోగ్యానికి ఎంతో మేలు చేస్తుంది. అల్లం  టీ తాగడం వలనే కలిగే ప్రయోజనాలేంటో చూద్దాం.

- అల్లం టీ తాగడం వలన చలి ప్రభావంతో తలెత్తే సమస్యలను ఇదుపులో ఉంచుకోవచ్చు.

- కొంత మందికి ప్రయాణంలో వాంతులు అవుతుంటాయి. అలాంటి వారు ప్రయాణానికి ముందు ఓ కప్పు అల్లం టీ తాగితే ఉత్సాహం తో పాటు వాంతులు అవ్వడం జరగదు.

- చాలా మందికి కాస్తంత ఎక్కువ తింటే భుక్తాయాసం బాధ పెడుతుంది. అలాంటి వారు కప్పు అల్లం టీ తాగితే సరిపోతుంది.

- తరుచూ ఈ టీ తాగడం వలన కండరాలు, కీళ్ళ నొప్పుల నుండి ఉప శమనం లభిస్తుంది. రోజుకు ఒక కప్పు అల్లం టీ తాగితే... శ్వాసకోస సంబంధ వ్యాధులు అదుపులో ఉండటమే కాకుండా రక్త ప్రసరణ నియంత్రణలో ఉంటుంది.

- అల్లంలో ఉండే ఖనిజ లవణాలు గుండెకు మేలు చేస్తాయి. గుండె కవాటాల్లో రక్త సరఫరా సక్రమంగా ఉండటానికి దోహద పడతాయి. గుండె జబ్బులు దరిచేరవు.

- అల్లం టీ తాగడం వల్ల శరీరానికి యాంటీ యాక్సిడెంట్లు అధిక శాతం అందుతాయి. రోగ నిరోధక శక్తి పెరిగి ఒత్తిడి నుండి ఉప శమనం లభిస్తుంది.
- అల్లం టీ లో ఉండే అరోమా గుణాలు మెదడును ఉత్తేజితం చేస్తాయి.