రష్యా రాజధాని మాస్కోలో ఇప్పుడు ఈ విషయం హాట్ టాపిక్ అయిపోయి కూర్చుంది.  తమకు గనక చాన్స్ దొరికితే అధ్యక్షుడు వ్లాదిమిర్ పుతిన్‌ను పెళ్లాడేస్తామని రష్యాలో ఏకంగా 20 శాతం మహిళలు అనేస్తున్నారు. మరో 14 శాతం మంది అతివలు ఈ ప్రతిపాదనపై ఆలోచిస్తామని సెలవిస్తున్నారు. మాస్కోలోని ‘లెవడా సెంటర్’ అనే సంస్థ తాజాగా జరిపిన ఓ సర్వేలో రష్యా మగువలు తమ మనసులో మాటను బయటపెట్టారు. ప్రతి ఐదుగురు మహిళల్లో ఒకరు (20%) పుతిన్‌ను భాగస్వామిగా చేసుకునేందుకు అంగీకరించారు. 66 శాతం మంది మాత్రం ఈ ప్రతిపాదనను తోసిపుచ్చగా.. మిగిలిన 14 శాతం మంది దీనిపై ఆలోచించేందుకు తమకు మరింత సమయం కావాలని చెప్పారు. ఇవాళ (ఆదివారం) 60వ పడిలోకి అడుగిడుతున్న పుతిన్ పై మహిళలు మనసుపారేసుకోవడం విశేషం. 2008లో నిర్వహించిన ఓ ఒపీనియన్ పోల్‌లో కూడా పుతిన్ ‘సెక్సీయెస్ట్’ రాజకీయ నేతగా నిలిచిన సంగతి గుర్తుండే ఉంటుంది కదా..

...avnk