సోలో హీరోగా కెరీర్ ప్లాన్ చేసుకుంటున్న రానా

Posted: 10/15/2015 03:15 PM IST

Daggubati rana planning for solo hero movie with dance master prem rakshit

‘బాహుబలి’ చిత్రంలో భల్లాలదేవుడిగా నెగెటివ్ రోల్ లో నటించిన దగ్గుబాటి రానా.. ఇప్పుడు మళ్లీ హీరోగా కెరీర్ ప్లాన్ చేసుకుంటున్నాడు. నిజానికి రానా ‘లీడర్’ సినిమాతో సోలో హీరోగా ఎంట్రీ ఇచ్చినప్పటికీ.. ఆ తర్వాత సరైన హిట్ దక్కలేదు. హీరోగా ఇతను నటించిన సినిమాలన్ని దాదాపుగా ఫ్లాప్ అయినవే వున్నాయి. 2012లో రిలీజ్ అయిన ‘కృష్ణం వందే జగద్గురుం’ సినిమా తరువాత సోలో హీరోగా ఒక్క సినిమా కూడా చేయని రానా.. ఇతర ఇండస్ట్రీల్లో ప్రత్యేక పాత్రల్లో నటిస్తూ వచ్చాడు. ఈ నేపథ్యంలోనే ‘బాహుబలి’ చిత్రం ఇతని కెరీర్ ని మలుపు తిప్పేసింది. భల్లాలదేవ పాత్ర ఇతనికి నటుడిగా మంచి పేరు తెచ్చిపెట్టడంతోపాటు ఎందరో ప్రేక్షకాభిమానులను తెచ్చిపెట్టింది. దీంతో.. ఇదే కరెక్ట్ సమయం అని భావించిన రానా.. ఈసారి సోలోగా సెక్స్ సాధించేందుకు భారీ స్కెచ్ వేస్తున్నాడు.

ప్రస్తుతం బెంగళూర్ డేస్ రీమేక్ లో నటిస్తున్న ఈ ఆరడుగుల ఆజానుభావుడు.. ఆ సినిమా పూర్తవ్వగానే ‘బాహుబలి-2’ షూటింగ్ లో పాల్గొననున్నాడు. ఈ రెండు సినిమాలు మల్టీ స్టారర్ లే కావటంతో తరువాత సినిమా సోలోగానే చేయాలని ఫిక్స్ అయ్యాడు. ఇప్పటికే ఆ సినిమా కోసం కథ కూడా ఫిక్స్ చేసుకోవడంతోపాటు ఆ చిత్రానికి కొత్త దర్శకుడిని కూడా సిద్ధం చేసుకున్నాడని సమాచారం. లాంగ్ గ్యాప్ తరువాత రానా సోలో హీరోగా తెరకెక్కనున్న సినిమాను కొరియోగ్రాఫర్ గా సూపర్ హిట్లు సాధించిన ప్రేమ్ రక్షిత్ మాస్టర్ డైరెక్ట్ చేయనున్నాడు. రానా బాడీ లాంగ్వేజ్కు తగ్గ యాక్షన్ ఎలిమెంట్స్తో ఈ సినిమాను తెరకెక్కించనున్నాడు. ప్రస్తుతమున్న ట్రెండ్ కు తగ్గట్టు భారీ యాక్షన్ సీన్లతోపాటు ఫ్యామిలీ ఎలిమెంట్స్ కూడా వుండేలా రానా కేర్ తీసుకుంటున్నాడట. తనకంటూ ప్రత్యేక స్థానం కల్పించుకోవాలంటే సోలో హీరోగా ఇండస్ట్రీలో నిలదొక్కుకోవాల్సిందేనని రానా ఫిక్స్ అయినట్లు చెప్పుకుంటున్నారు.