మొదటిది దొబ్బింది.. రెండోసారి మాత్రం సాధించాడు!

Posted: 08/26/2015 05:03 PM IST

Director maruthi victory venkatesh new movie project tollywood gossips

‘ఈరోజుల్లో’ సినిమా ద్వారా డైరెక్టర్ గా ఇండస్ట్రీలో కెరీర్ ప్రారంభించిన మారుతి.. మొదటి సినిమాతోనే హిట్ సాధించి యూత్ లో ప్రత్యేక స్థానం సంపాదించాడు. యూత్ ని దృష్టిలో పెట్టుకుని ఆ తరహాలోనే మరిన్ని సినిమాలను రూపొందించి.. డైరెక్టర్ గా తానేంటో నిరూపించుకున్నాడు. ప్రస్తుతం ‘భలే భలే మగాడివోయ్’ చిత్రాన్ని తెరకెక్కిస్తున్న ఈ దర్శకుడు.. తాజాగా ఓ భారీ అవకాశాన్ని దక్కించుకున్నాడని సమాచారం.

మారుతి వినిపించిన ఒక కథ విక్టరీ వెంకటేష్ కి బాగా నచ్చడంతో ఆయన వెంటనే గ్రీన్ సిగ్నల్ ఇచ్చినట్టుగా తెలుస్తోంది. ఈ సినిమాకి నిర్మాతలు కూడా సిద్ధంగా ఉన్నారని అంటున్నారు. నిజానికి గతంలోనే వెంకటేష్ కి మారుతి ఓ కథ వినిపించాడు. ఆ కథ వెంకీకి నచ్చింది కూడా! త్వరలోనే ఆ సినిమాకి సంబంధించి కార్యక్రమాలు కూడా మొదలవుతాయని వార్తలొచ్చాయి. అయితే.. ఇంతలోనే ఏమైందో తెలీదు కానీ.. కొన్ని కారణాల వలన వెంకీ తన నిర్ణయాన్ని మార్చుకున్నాడు. దీంతో ఆ ప్రాజెక్ట్ అర్థంతరంగా ఆగిపోయింది. ఆ సినిమా ఆగిపోవడంతో మారుతి ఇతర ప్రాజెక్టులపై దృష్టి సారించాడు.

కానీ.. వెంకీతో ఓ ఫ్యామిలీ చిత్రాన్ని రూపొందించాలని ఫిక్సైన మారుతీ, పట్టు వదలకుండా మరో కొత్త కథని సిద్ధం చేస్తూ వచ్చాడు. అప్పటి నుంచి కథని సిద్ధం చేస్తూ వచ్చిన మారుతి.. దానిని వెంకటేష్ కి తాజాగా వినిపించాడు. ఆ కథ ఆయనకు నచ్చడంతో వెంటనే ఓకే చెప్పినట్లు తెలిసింది. ఇక ఈ సినిమాను నిర్మించేందుకు ముగ్గురు ప్రముఖ నిర్మాతలు ఆసక్తి చూపుతున్నట్టు తెలుస్తోంది. ఏదేమైనా.. మొత్తానికి మారుతి అనుకున్నది సాధించాడని ఇండస్ట్రీలో చెప్పుకుంటున్నారు.

ఇదిలావుండగా.. క్రాంతిమాధవ్ కథపట్ల ఆసక్తిని చూపిన వెంకటేష్, ఆ తరువాత చంద్రశేఖర్ యేలేటిని లైన్లో వుంచినట్టుగా సమాచారం. బహుశా ఆ రెండు సినిమాల తరువాత వెంకీతో మారుతి సినిమా పట్టాలెక్కవచ్చనే టాక్ వినిపిస్తోంది. ఇందుకు సంబంధించి ఇంకా అధికారిక వార్తలు వెలువడాల్సి వుంది.

AS