‘కొరియర్’ సర్వ్ చేయడానికి సిద్ధమవుతున్న నితిన్

Posted: 08/11/2015 02:23 PM IST

Nitin plans to release courier boy kalyan movie soon

చాలాకాలం తర్వాత ‘ఇష్క్’ సినిమాతో వెండితెరపై కనువిందు చేసిన హీరో నితిన్.. ఆ సినిమాతో మంచి విజయం అందుకున్నాడు. ఆ తర్వాత నటించిన ‘గుండెజారి గల్లంతయ్యిందే’, ‘హార్ట్ ఎటాక్’, ‘చినదాన నీకోసం’ తదితర సినిమాలతో సందడి చేశాడు. ఈ సినిమాల నేపథ్యంలో ఈ నటుడు ‘కొరియర్ బాయ్ కల్యాణ్’ అనే సినిమాలోనూ నటించాడు. ఆ సినిమా షూటింగ్ పూర్తయ్యింది కూడా! కానీ.. విడుదలకు మాత్రం నోచుకోలేదు. కొన్ని కారణాల వల్ల ఆ సినిమా విడుదల విషయంలో జాప్యం పెరుగుతూ వస్తోంది.

ఇంతలోనే నితిన్ నిర్మాతగా ‘అఖిల్’ డెబ్యూ మూవీపై పూర్తిగా దృష్టి సారించాడు. దాంతో తన ‘కొరియర్’ సంగతి కాస్త పక్కన పెట్టాడు. మరోవైపు మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఓ సినిమా చేసేందుకు నితిన్ సిద్ధమైపోయాడు. వీరి కాంబోలో రూపొందే సినిమా షూటింగ్ పూర్తిచేసుకుని ప్రేక్షకుల ముందుకు రావడానికి చాలా సమయం పడుతుంది. దీంతో నితిన్ ‘కొరియర్’ సినిమా విడుదల ఇప్పట్లో వుండకపోవచ్చన్న వార్తలు వెలుగులోకి వచ్చాయి. అయితే.. ఈ వార్తల్ని ఖండిస్తూ నితిన్ ఓ నిర్ణయం తీసుకున్నాడని సమాచారం. తాను నటించిన ‘కొరియర్ బాయ్ కల్యాణ్’ సినిమాను రంగంలోకి దింపేందుకు నితిన్ ప్రయత్నిస్తున్నాడు.

త్రివిక్రమ్ తో కలిసి తాను తీస్తున్న సినిమా విడుదల అవ్వడానికి చాలా సమయం పడుతుంది. దీంతో తనకి, అభిమానులకు మధ్య గ్యాప్ ఎక్కువ అవుతుందనే ఉద్దేశంతో తాను ‘కొరియర్ బాయ్ కల్యాణ్’ సినిమాని రంగంలోకి దింపాలని నిర్ణయించాడు. మరి.. ఈ ‘కొరియర్’ నితిన్ కి ఎలాంటి ఫలితాన్ని ఇస్తుందో వేచి చూడాల్సిందే!

AS