దుమ్ము రేపుతున్న ‘శ్రీమంతుడు’

Posted: 07/31/2015 02:59 PM IST

Mahesh babu srimanthudu pre release business satellite rights

మహేష్ బాబు.. టాలీవుడ్ ఇండస్ట్రీలో యమ క్రేజ్ వున్న బ్రాండ్ హీరో! తన హ్యాండ్ సమ్ లుక్స్ తో ఎంతోమంది అభిమానుల్ని సొంతం చేసుకున్న ఈ హీరో సినిమా రిలీజ్ అవుతోందంటే చాలు.. విడుదలకు ముందే ఆ సినిమా బిజినెస్ ఓ రేంజ్ లో వుంటుంది. ప్రదర్శన హక్కులు, శాటిలై రైట్స్, ఇతర వ్యాపార వ్యవహారాల్లో ఎవరూ ఊహించని విధంగా బిజినెస్ జరుగుతుంది. ఆ విధంగా జరిగే బిజినెస్ ని ఆధారంగా మహేష్ బాబు ఇమేజ్ ఇండస్ట్రీలో ఎంతమేర వుందో! ఇప్పుడు ఇదంతా ఎందుకు చెప్పుకోవాల్సి వస్తోందంటే.. ఆయన తాజాగా నటించిన ‘శ్రీమంతుడు’ చిత్రం ఇంకా విడుదల కాకముందే సరికొత్త రికార్డులు సృష్టిస్తోంది.

మహేష్ బాబు, శృతిహాసన్ లు హీరోహీరోయిన్లుగా కొరటాల శివ దర్శకత్వంలో రూపొందిన తాజా చిత్రం ‘శ్రీమంతుడు’. ఆగస్టు 7వ తేదీన ప్రేక్షకుల ముందుకు రానున్న ఈ సినిమా బిజినెస్ పరంగా సరికొత్త రికార్డులు క్రియేట్ చేస్తోంది. ఈ సినిమా శాటిలై రైట్స్ భారీ స్థాయిలో అమ్ముడుపోయాయి. ‘జీ’ టీవీవారు రూ.12 కోట్ల రూపాయలు చెల్లించి ఈ చిత్రం శాటిలైట్ రైట్స్ దక్కించుకున్నారని తెలుస్తోంది. అంతేకాదు.. హిందీ శాటిలై రౌట్స్ రూ.5 కోట్లకి అమ్ముడైనట్లు సమాచారం. ఇక ఏరియాలవారీగా ఈ సినిమా ప్రదర్శన హక్కులు కూడా భారీ రేటుకి అమ్ముడవుతున్నాయి. అభిషేక్ పిక్చర్స్ వారి భాగస్వామ్యంతో కృష్ణా జిల్లా ప్రదర్శన హక్కులను రిలయన్స్ ఎంటర్టైన్మెంట్ సంస్థ రూ. 3 కోట్లకి తీసుకుంది.

ఇంకా విడుదల కాకముందే ‘శ్రీమంతుడు’ బిజినెస్ ఇంత రేంజులో వుంటే.. విడుదల తర్వాత బాక్సాఫీస్ దగ్గర కలెక్షన్ల సునామీ సృష్ణించడం ఖాయమని ట్రేడ్ వర్గాలవారు అంచనా వేస్తున్నారు. కథ, కథనం, భారీ తారాగణంతోపాటు మహేష్-శృతి కాంబినేషన్.. ఇలా అన్ని అంశాలు కూడి వుండటంతో ఈ సినిమా బిజినెస్ పెరగడానికి కారణమని అంటున్నారు. మహేష్ మేనియా అలాంటిది మరీ!