బన్నీతో తలపడనున్న యంగ్ హీరో

Posted: 07/23/2015 12:29 PM IST

Aadi pinisetty to play baddie in allu arjun boyapati project

చిత్రపరిశ్రమలో ఒకప్పుడు విలన్లు హీరోలకంటే పెద్ద వయస్కులుండేవారు. పైగా వారి హంగూ ఆర్భాటాలు, గంభీరం హీరోలకంటే భిన్నంగా వుండేది. అటువంటి వాళ్లు కథానాయకుడితో తలపడేవారు. కానీ.. ప్రస్తుతరోజుల్లో ట్రెండ్ మారిపోయింది. విలన్లు కూడా హీరోల వయస్కులే వుండటం, అందులోనూ హ్యాండ్ సమ్ గా వుంటూ వారిని డామినేట్ చేసే రకంగా వుంటున్నారు. ఈ విధంగా విలన్లు వుండటం వల్ల కుర్రకారులో జోష్ మరింత పెరుగుతుందని... హీరో, విలన్ల మధ్య యాక్షన్ కూడా అదిరిపోయే రేంజులో సమకూర్చవచ్చన్న ఉద్దేశంతో దర్శకనిర్మాతలు ఆ విధంగా సెలక్ట్ చేసుకుంటున్నారు. ఇప్పటికే చెర్రీ సినిమాలో ఓ తమిళ నటుడు విలన్ గా నటించేందుకు గ్రీన్ సిగ్నల్ ఇవ్వగా.. మరో యంగ్ హీరో కూడా విలన్ పాత్రలో నటించేందుకు గ్రీన్ సిగ్నల్ ఇచ్చినట్లు వార్తలొస్తున్నాయి.

అల్లు అర్జున్, దర్శకుడు బోయపాటి శ్రీను కాంబినేషన్ లో ఓ సినిమా రానుందన్న విషయం తెలిసిందే! 26వ తేదీ నుంచి సెట్స్ పైకి వెళ్లనున్న ఈ మూవీలో బన్నీపై ఓ భారీ యాక్షన్ ఎపిసోడ్ ని ప్లాన్ చేశారట. అంతేకాదు.. సినిమాలో కొన్ని సన్నివేశాల్లో సాహసాలు కూడా చేయాల్సి వుంటుంది కాబట్టి.. నెగెటివ్ రోల్ కోసం యువనటుడి కోసం మూవీ యూనిట్ అన్వేషించింది. ఈ క్రమంలోనే ‘ఆది పినిశెట్టి’ని ఎంపిక చేసినట్లు తెలుస్తోంది. హీరోగా మంచి గుర్తింపు తెచ్చుకున్న ఈ నటుడు.. బన్నీ సినిమాలో నెగెటివ్ రోల్ కి ఓకే చెప్పేయడం విశేషమని అనుకుంటున్నారు. తెలుగులో అంతగా గుర్తింపులేని ఈ హీరో.. ఈ సినిమాతోనైనా తన ఇమేజ్ ని మరింత పెంచుకోవాలని భావించిన నేపథ్యంలో ఈ సినిమాకి గ్రీన్ సిగ్నల్ ఇచ్చి వుండొచ్చని ఇండస్ట్రీలో చెప్పుకుంటున్నారు. అయితే.. ఈ విషయంపై ఇంకా అధికారిక ప్రకటన వెలువడాల్సి వుంది.