శంకరాభరణం కోసం రిస్క్ చేస్తున్న నిఖిల్..

Posted: 06/23/2015 04:09 PM IST

Hero nikhil risk scenes in shankarabharanam movie kona venkat nanditha

హ్యాట్రిక్ విజయాలతో దూకుడుమీదున్న యువహీరో నిఖిల్.. ప్రస్తుతం ‘శంకరాభరణం’ చిత్రం షూటింగులో బిజీగా వున్నాడు. ప్రముఖ రచయిత కోనవెంకట్ సమర్పణలో ఎంవీవీ సత్యనారాయణ నిర్మిస్తున్న ఈ చిత్రాన్ని ఉదయ్ నందనవనం దర్శకత్వం వహిస్తున్నాడు. ఈ సినిమాలో నిఖిల్ సరసన ‘ప్రేమకథాచిత్రం’ ఫేం నందిత హీరోయిన్ గా నటిస్తోంది. ఈ సినిమా బీహార్ నేపథ్యంలో సాగే ఓ యధార్థ ఘటన ఆధారంతో తెరకెక్కుతున్నట్లు ఇదివరకే యూనిట్ బృందం వెల్లడించిన విషయం తెలిసిందే!

ఇదిలావుండగా.. గతకొన్నాళ్ల నుంచి ప్రీ-ప్రొడక్షన్ పనులు నిర్వహించుకుంటూ వచ్చిన ఈ మూవీ షూటింగ్ ఈనెలలో ప్రారంభమైంది. ఈనెల 15వ తేదీ నుంచి 25వ తేదీ వరకు పూణె సమీప గ్రామాల్లో మొదటి షెడ్యూల్ ను ప్లాన్ చేశారు. అక్కడ కొన్ని కీలక సన్నివేశాలను చిత్రీకరిస్తున్నట్లుగా దర్శకనిర్మాతలు వెల్లడించారు. బీహార్ నేపథ్యంలో కొనసాగే కథకి తగ్గట్టుగానే ఈ మూవీ షూటింగ్ కష్టతరమైన ప్రదేశాల్లో జరుపుతున్నట్లుగా నిర్మాతలు వెల్లడించారు. ఈ సీన్ల కోసం హీరో నిఖిల్ చాలా రిస్క్ తీసుకుని చేస్తున్నాడని, ఈ సన్నివేశాలు సినిమాలో హైలైట్ గా నిలుస్తాయని యూనిట్ బృందం తెలుపుతోంది. ఈ మూవీలో నిఖిల్ సరికొత్త పాత్రలో కనువిందు చేయనున్నాడని.. ఈ మూవీ కోసం నిఖిల్ చాలానే కష్టపడుతున్నాడని మూవీవర్గం స్సష్టం చేస్తోంది.

ఈ సినిమా స్టోరీ ‘క్రైమ్ కామెడీ’తో కూడినదిగా తమ మూవీ ఫస్ట్ లుక్ ద్వారా ప్రేక్షకులకు తెలియపరిచినందుకు సంతోషంగా వుందని కోనవెంకట్ తెలిపారు. నిర్మాత, తన కాంబోలో ఇదివరకే వచ్చిన ‘గీతాంజలి’ సినిమా మంచి విజయం సాధించిందని పేర్కొన్న కోన.. ఈ సినిమా కూడా ఆడియెన్స్ ని బాగానే ఆకట్టుకుందని ఆశాభావం వ్యక్తం చేశారు.