ఈ ‘మోసగాడి’కి ఏ సర్టిఫికెట్ లభిస్తుందో?

Posted: 05/15/2015 01:15 PM IST

Sudheer babu mosagallaki mosagadu cencor board release new

సూపర్ స్టార్ కృష్ణ ఫ్యామిలీ నుంచి హీరోగా పరిచయమైన యంగ్ హీరో సుధీర్ బాబు.. ‘ప్రేమకథాచిత్రం’ మొదటి సినిమాతో హిట్ కొట్టాడు. అయితే.. ఆ తర్వాత వచ్చిన ‘ఆడు మగాడ్రా బుజ్జీ’ సినిమా బాక్సాఫీస్ దగ్గర చతికిలపడిపోయింది. దీంతో ఈయన కూడా ప్రస్తుత యంగ్ హీరోలు ఫాలో అవుతున్న ‘ప్రయోగాత్మక ట్రెండ్’నే పాటించేందుకు సిద్ధమయ్యాడు. యంగ్ హీరోలందరూ కొత్త కాన్సెప్టులతో ప్రేక్షకులను అలరిస్తున్న విషయం తెలిసిందే! దాంతో వారి సినిమాలు హిట్ అవడంతోపాటు వారికి ఇమేజ్ కూడా పెరుగుతోంది. పైగా.. నిర్మాతలకు కాసుల వర్షం కురుస్తోంది. ఇప్పుడు సుధీర్ కూడా ఇలాగే కొత్త కాన్సెప్ట్ తో తన అదృష్టాన్ని పరీక్షించుకునేందుకు రెడీ అయ్యాడు.

‘స్వామి రారా’ సినిమాతో సూపర్ హిట్ అందుకున్న నిర్మాత చక్రి చిగురుపాటితో హీరో సుధీర్ బాబు కలిసి ఆ సినిమాకి సీక్వెల్ గా ‘మోసగాళ్లకి మోసగాడు’ చిత్రాన్ని రూపొందించారు. ఇప్పటికే ఈ మూవీ షూటింగ్ పూర్తయ్యింది కూడా! ‘స్వామి రారా’ సినిమాకి సీక్వెల్ మూవీకి కథా పరంగా ఎలాంటి సంబందము ఉండదు. కేవలం విగ్రహాల చోరీ ఒక్క పాయింట్ మాత్రమే కామన్ గా ఉంటుందని సుధీర్ బాబు తెలియజేశాడు. పోస్ట్ ప్రొడక్షన్ కార్యక్రమాలను పూర్తి చేసుకున్న ఈ సినిమాని మే 22న రిలీజ్ చెయ్యడానికి ఈ చిత్ర టీం ప్లాన్ చేస్తుంది. ఫైనల్ కాపీని సిద్దం చేసుకున్న ఈ చిత్ర టీం శుక్రవారం సినిమాని సెన్సార్ కి పంపనుంది. వారం రోజుల ముందే అన్ని కార్యక్రమాలను పూర్తి చేసుకొని రిలీజ్ కి సిద్దంగా ఉండాలని చక్రి ప్లాన్ చేస్తున్నాడు.

ఇక ఈ సినిమాలో సుధీర్ బాబు సరసన నందిని హీరోయిన్ గా కనిపించనుంది. ఓ స్పెషల్ యాక్షన్ సీక్వెన్స్ లో మంచు మనోజ్ గెస్ట్ రోల్ లో కూడా కనిపించనున్నాడు. నెల్లూరు బోస్ దర్శకుడిగా పరిచయం అవుతున్న ఈ సినిమా కూడా స్వామి రారాలానే హిట్ అవుతుందని చక్రి చిగురుపాటి అంటున్నారు. ఇక ఈ సినిమా మంచి విజయం సాధిస్తుందని హీరో భారీ ఆశలు పెట్టుకున్నాడు. మరి ఈ సినిమాకి ఏ విధమైన సర్టిఫికెట్ లభిస్తుందో వేచి చూడాల్సిందే!