రవితేజ

Posted: 05/11/2015 11:49 AM IST

Raviteja mass action entertainer thikkaregindi movie santosh srinivas

తన కామెడీ ట్రాక్ తోపాటు పక్కా ‘మాస్’ యాక్షన్ తో ‘మాస్ మహారాజా’గా ఇండస్ట్రీలోనే తనకంటూ ప్రత్యేక గుర్తింపు సాధించాడు హీరో రవితేజ. ప్రస్తుతం ‘కిక్-2’, ‘బెంగాల్ టైగర్’ చిత్రాల్లో నటిస్తున్న ఈ హీరో.. అప్పుడే మరో సినిమాకి గ్రీన్ సిగ్నల్ ఇచ్చినట్లు సమాచారం! ‘కందిరీగ’, ‘రభస’ వంటి చిత్రాలను రూపొందించిన దర్శకుడు సంతోష్ శ్రీనివాస్ ఈ చిత్రానికి దర్శకత్వం వహిస్తాడు.

రవితేజ బాడీ లాంగ్వేజ్ కి తగినట్లు మాస్ ఓరియెంటెడ్ కథను సంతోష్ చెప్పడంతో ఈ ప్రాజెక్టుకు రవితేజ పచ్చజెండా ఉపేశాడు. ఈ చిత్రానికి ‘తిక్కరేగింది’ అనే టైటిల్ ని కూడా ఇప్పటికే రిజిష్టర్ చేయించారు. పక్కా యాక్షన్ ఎంటర్ టైనర్ గా రూపొందుతున్న ఈ చిత్రాన్ని నిర్మాత డీవీవీ దానయ్య నిర్మించనున్నట్లు చెబుతున్నారు. ఈ చిత్రానికి సంబంధించి మరిన్ని వివరాలు త్వరలోనే వెల్లడి కానున్నాయి.

ఇదిలావుండగా.. రవితేజ ‘కిక్-2’ చిత్రం ఆడియో ఆవిష్కరణ ఇటీవలే జరిగింది. ఈ మూవీని సమ్మర్ కానుకగా ఈనెల చివర్లో విడుదల చేసేందుకు సన్నాహాలు చేస్తున్నారు. అటు ‘బెంగాల్ టైగర్’ చిత్రం రెగ్యులర్ షూటింగ్ జరుపుకుంటోంది. త్వరలోనే చిత్రీకరణ ముగించి.. ఈ మూవీని త్వరలోనే విడుదల చేసేందుకు దర్శకనిర్మాతలు సన్నద్ధమవుతున్నారు.