తండ్రీకొడుకులుగా ఎంటర్ టైన్ చేయనున్న మాస్ మహారాజా!

Posted: 04/30/2015 05:52 PM IST

Raviteja dual role kick 2 movie shooting updates rakul preet singh surendar reddy

‘విక్రమార్కుడు’ సినిమాలో డబుల్ రోల్ చేసి ప్రేక్షకులను మెప్పించిన హీరో మాస్ మహారాజ రవితేజ... ఇప్పుడు మరోసారి ద్విపాత్రాభినయం చేయనున్నాడు. ఇంతకీ ఏ సినిమా అని ఆలోచిస్తున్నారా.. 2009లో వచ్చి ఆడియన్స్ ని విపరీతంగా ఎంటర్టైన్ చేసిన కిక్ సినిమాకి సీక్వెల్ గా వస్తున్న ‘కిక్ 2′ లో రవితేజ రెండు డిఫరెంట్ పాత్రల్లో కనిపించనున్నాడని సమాచారం.

‘కిక్’ సినిమాలోని రవితేజ–ఇలియానాల వారసుడి చుట్టూ ‘కిక్-2’ సినిమా కథ తిరుగుతుందని.. ‘తండ్రి – కొడుకులుగా’ రెండు విభిన్న పాత్రల్లో రవి కనిపించనున్నాడని యూనిట్ సభ్యులు తెలుపుతున్నారు. అందులో కొడుకు పాత్ర కోసం మాస్ మహారాజా తన లుక్ మార్చుకొని చాలా స్లిమ్ అండ్ స్టైలిష్ గా తయారయ్యాడు. అలాగే తండ్రి పాత్ర కోసం కూడా తన లుక్ ని చాలా మార్చుకున్నాడని సమాచారం. తండ్రి కొడుకుల కాంబినేషన్ లో వచ్చే సీన్స్ ఇందులో ఉన్నాయి. ఆన్ స్క్రీన్ పై ఒకేసారి ఇద్దరు రవితేజలు రెండు డిఫరెంట్ లుక్స్ లో చూసి ఆడియన్స్ ని థ్రిల్ అవుతారని ఈ చిత్ర టీం అంటోంది.

ఇక ఈ చిత్రంలో రవితేజ సరసన రకుల్ ప్రీత్ సింగ్ హీరోయిన్ గా నటిస్తోంది. సురేందర్ రెడ్డి దర్శకత్వం వహిస్తున్న ఈ సినిమాని నందమూరి ఆర్ట్స్ బ్యానర్ పై కళ్యాణ్ రామ్ నిర్మిస్తున్నాడు. తమన్ మ్యూజిక్ అందిస్తున్నాడు. ఇటీవలే షూటింగ్ కంప్లీట్ చేసుకున్న ఈ సినిమాను మే నెలలో ప్రేక్షకుల ముందుకు తీసుకొచ్చేందుకు దర్శకనిర్మాతలు సన్నాహాలు చేస్తున్నారు.