గెలుపు గుర్రంపై స్వారీ చేస్తున్న జగపతిబాబు

Posted: 04/13/2015 03:42 PM IST

Jagapathi babu father role srimanthudu movie mahesh babu

జీవితంలో ఎదురయ్యే పరిస్థితులకు అనుగుణంగా తమను తాము మార్చుకుంటే గమ్యస్థానాన్ని సులువుగా చేరుకోగలమన్న సూత్రాన్ని చేసి నిరూపించారు నటుడు జగపతిబాబు! కాలంతోపాటు తనను తాను కొత్తగా ఆవిష్కరించుకున్న ఈ హీరో.. ప్రస్తుతం గెలుపుగుర్రంపై స్వారీ చేస్తున్నాడు. ‘లెజెండ్’తో తన విలనిజాన్ని చాటిచెప్పిన ఈయన.. చిన్నాపెద్దా హీరోలని తేడాలేకుండా ప్రతిఒక్క సినిమాలోనూ తన సత్తా చాటుకుంటూ దూసుకుపోతున్నారు.

మొదట ఫ్యామిలీ సెంటిమెంట్ సినిమాలు ఎక్కువగా చేసిన జగపతి.. కొన్నాళ్లపాటు మహిళలు మెచ్చిన కథానాయకుడిగా కొనసాగారు. తనకంటూ ఓ ప్రత్యేక ఇమేజ్ క్రియేట్ చేసుకున్నారు. అయితే.. ఇంతలోనే కొత్త హీరోల హవా ఎక్కువగా కొనసాగిన నేపథ్యంలో ఈయనకు అవకాశాలు కరువయ్యాయి. దీంతో కొన్నాళ్లు ఇండస్ట్రీకి కనబడకుండాపోయారు. ఈ క్రమంలోనే ఈయన ప్రతినాయకుడిగా రూటు మార్చేసి.. పవర్ ఫుల్ విలనిజాన్ని పండించేశారు. ఈయన గ్రాండ్ ఎంట్రీని చూసిన సినీప్రముఖులతోపాటు ప్రేక్షకులు సైతం.. ఇంత మంచి విలన్ని ఇక్కడే పెట్టుకుని ఎక్కడెక్కడో వెతకడం ఎందుకన్న అనుభవం అందరిలోనూ కల్పించారు.

ప్రస్తుతం జగపతి ‘శ్రీమంతుడు’ సినిమాలో మహేష్ కి తండ్రి పాత్రలో నటిస్తున్నారు. భారీ బడ్జెట్ తో రూపొందుతున్న ఈ చిత్రంలో జగపతి తన పాత్రని మలిచిన తీరు ఎంతో అద్భుతమని యూనిట్ వర్గాలు తెలుపుతున్నాయి. ‘శ్రీమంతుడు’ మూవీ సక్సెస్ అయితే.. ఆ సినిమాలో ఆయన నటించిన తండ్రి పాత్ర తరహాలోనే మరింత బిజీ కావడం ఖాయమని వార్తలు వినిపిస్తున్నాయి. ఇప్పటివరకు నటించిన సినిమాలకంటే ‘శ్రీమంతుడు’లో జగపతి పాత్ర చాలా వినూత్నంగా వుంటుందని అంటున్నారు.