ప్రిన్స్ మహేష్ బాబు

Posted: 04/01/2015 08:09 PM IST

Mahesh babu brahmotsavam movie shooting date fixed

మాస్, ఫ్యామిలీ తరహా కథాచిత్రాల్లో నటించి ఇండస్ట్రీలో తనకంటూ ప్రత్యేక గుర్తింపు తెచ్చుకున్న హీరో మహేష్ బాబు! ‘ఒక్కడు’ సినిమాతో తన స్టామినా ఏంటో నిరూపించుకున్న ఈ రాకుమారుడు.. ‘పోకిరి’తో బాక్సాఫీస్ రికార్డులను బద్దలుకొట్టేశాడు. దీంతో ఇతనికి మాస్ ఆడియెన్స్ ఫాలోయిన్స్ భారీగా పెరిగిపోయింది. ‘మురారి’ మూవీతోనే ఫ్యామిలీ ఆడియెన్స్ ను ఈ హీరో దగ్గరయ్యాడు కానీ.. ఆ ఇమేజ్ ఎంతోకాలం నిల్వలేదు. అయితే ఇటీవలే వచ్చిన ‘సీతమ్మ వాకిట్లో సిరిమల్లె చెట్టు’తో ఈ నటుడు తెలుగు ప్రేక్షకుల మనసులను దోచేశాడు.

ఇదిలావుండగా.. ప్రస్తుతం మహేష్ బాబు హీరోగా కొరటాల శివ దర్శకత్వంలో ‘శ్రీమంతుడు’ చిత్రంలో నటిస్తున్న విషయం తెలిసిందే! ఈ మూవీ చిత్రీకరణ దాదాపుగా చివరి స్టేజ్ లోకి వచ్చేసింది. మిగతా షూటింగ్ త్వరగా ముగించేసి ఈ వేసవి సెలవుల్లో ప్రేక్షకుల ముందుకు తీసుకొచ్చేందుకు ప్రయత్నిస్తున్నారు. ఇక ఈ మూవీ తర్వాత మహేష్ అప్పుడే దర్శకుడు శ్రీకాంత్ అడ్డాలతో మరో మూవీకి కమిట్ అయిన విషయం తెలిసిందే! ఇప్పటికే ఈ చిత్రానికి ‘బ్రహ్మోత్సవం’ అనే టైటిల్ ని కూడా ఖరారు చేశారు.

ఇక తాజాగా అందుతున్న సమాచారం ప్రకారం.. ‘బ్రహ్మోత్సవం’ మూవీ షూటింగ్ ని సూపర్ స్టార్ కృష్ణ జన్మదిన సందర్భంగా మే 31వ తేదీన హైదరాబాదులో ప్రారంభించడానికి సన్నాహాలు చేస్తున్నారు. ఈమేరకు మహేష్ బాబు ప్లాన్ చేసుకున్నాడని తెలుస్తోంది. అయితే.. దీనిపై ఇంకా అధికారిక ప్రకటన వెలువడాల్సి వుంది. ఈ చిత్రానికి మిక్కి జే మేయర్ సంగీతం అందిస్తుండగా.. రకుల్ ప్రీత్ సింగ్ మొదటిసారి మహేష్ సరసన హీరోయిన్ గా నటిస్తోంది.