రామ్ చరణ్

Posted: 03/04/2015 05:41 PM IST

Ram charan tej director srinu vailtla my name is raju movie updates rakul preet singh

రామ్ చరణ్ హీరోగా శ్రీనువైట్ల దర్శకత్వంలో ‘మై నేమ్ ఈజ్ రాజు’ పేరిట ఓ మూవీ రూపొందనున్న విషయం తెలిసిందే! ప్రముఖ నిర్మాత డీవీవీ దానయ్య నిర్మిస్తున్న ఈ చిత్రంలో రకుల్ ప్రీత్ సింగ్ కథానాయికగా నటిస్తుండగా.. నటి కృతి కర్బందా చెర్రీకి చెల్లిగా ఓ కీలకపాత్ర పోషిస్తోంది. ఈ చిత్రానికి ‘కొలవెరి’ ఫేం అనిరుధ్ సంగీతం సమకూర్చడం విశేషం!

ఇక విషయాకొస్తే... ఈ మూవీ షూటింగ్ ఈనెల 16 నుంచి రెగ్యులర్ గా జరగనుందని సమాచారం! ఇప్పటికే స్ర్కిప్ట్ వర్క్ పూర్తవడంతో ప్రస్తుతం ప్రీ ప్రొడక్షన్ పనులను వేగవంతం చేస్తున్నారు. ఇందులో చెర్రీ సరికొత్త యాంగిల్ లో కనిపించనున్నాడని యూనిట్ బృందం తెలుపుతోంది. కృతి రోల్ ఈ చిత్రంలో ఎంతో కీలకమైందని, ఆమె క్యారెక్టర్ ఈ చిత్రానికి హైలైట్ గా నిలుస్తుందని చెబుతున్నారు. ఇక రకుల్, చెర్రీకి మధ్య కొన్ని రొమాన్స్ సన్నివేశాలు కూడా వుంటాయని అంటున్నారు.

ఇదిలావుండగా.. చెర్రీ హీరోగా నటించిన ఫ్యామిలీ ఎంటర్ టైనర్ ‘గోవిందుడు అందరివాడేలే’ చిత్రం ఆశించినంతగా విజయం సాధించలేదు. దీంతో చెర్రీ తన తదుపరి చిత్రంపై ఎంతో శ్రద్ధ తీసుకుంటున్నాడు. ఎన్నో కథలు విన్న తర్వాత చివరికీ ‘మై నేమ్ ఈజ్ రాజు’కు ఫిక్సయ్యాడు. ఈ చిత్రం తనకు మరింత క్రేజ్ తెచ్చిపెడుతుందని చెర్రీ భావిస్తున్నాడు.