మహేష్ బాబు

Posted: 02/28/2015 04:30 PM IST

Mahesh babu srimanthudu movie shooting koratala siva director tamilnadu pollachchi schedule

టాలీవుడ్ ప్రిన్స్ మహేష్ బాబు హీరోగా కొరటాల శివ దర్శకత్వంలో ఓ సినిమా (శ్రీమంతుడు వర్కింగ్ టైటిల్) చిత్రం రూపొందుతున్న విషయం తెలిసిందే! ఇందులో మహేష్ సరసన్ తొలిసారి శృతిహాసన్ హీరోయిన్ గా నటిస్తోంది. ఇందులో జగపతిబాబు, సుకన్య, రాజేంద్రప్రసాద్, కమెడియన్ ఆలీ, వెన్నెల కిషోర్, తులసి, సితార తదితరులు నటిస్తున్నారు.

ఈ మూవీ షూటింగ్ కొన్ని రోజులనుంచి తమిళనాడులోని పొల్లాచ్చిలో జరుగుతోంది. ఈ చిత్రానికి సంబంధించి పలు సన్నివేశాలను ఇప్పటికే అక్కడ చిత్రీకరించారు. తాజాగా అనల్ అరసు నేతృత్వంలో ఓ ఫైట్ సీక్వెన్సును షూట్ చేస్తున్నారు. ఈ సన్నివేశం చిత్రీకరణ పూర్తికాగానే ఈ మూవీ యూనిట్ సమీపంలోని పళనికి షిప్ట్ అవుతుంది. అక్కడ కొంత షూటింగ్ చేసిన అనంతరం మరో మూడురోజుల్లో తిరిగి హైదరాబాద్ కి తిరిగి రానున్నట్లు యూనిట్ తెలుపుతోంది.

శరవేగంగా షూటింగ్ జరుపుకుంటున్న ఈ చిత్రాన్ని మే నెలలో విడుదల చేయాలని దర్శకనిర్మాతలు సన్నాహాలు చేస్తున్నారు. త్వరలోనే మూవీ ఫస్ట్ లుక్ ని అధికారికంగా విడుదల చేయనున్నారు. అలాగే ఆడియో రిలీజ్ డేట్ ని అనౌన్స్ చేయనున్నారు.