క్రేజీ నారారోహిత్...

Posted: 01/22/2015 11:54 AM IST

Nara rohith asura pandagala vachchadu movie shooting progress updates

ఆసక్తికరమైన ప్రాజెక్టులను వరుసగా చేసుకుంటూ డీసెంట్ హిట్స్ అందుకుంటున్న క్రేజీ హీరోగా పేరొందిన నారారోహిత్.. ఇటీవలే ‘రౌడీ ఫెలో’ చిత్రంతోనూ భారీ హిట్ అందుకున్న విషయం తెలిసిందే! ఆ మూవీని చూసిన విమర్శకులు సైతం రోహిత్’పై ప్రశంసలు వర్షం కురిపించేశారు. ఆ మూవీ అలా సక్సెస్ సాధించిందో లేదో.. వెంటనే మరో రెండు మూవీ షూటింగులను స్టార్ట్ చేసేశాడు కూడా!

ప్రస్తుతం రోహిత్ ‘పండగలా వచ్చాడు’, ‘అసుర’ అనే చిత్రాలతో ఫుల్ బిజీగా వున్నాడు. ఇటీవలే ఈ మూవీలకు సంబంధించి విడుదలైన ఫస్ట్’లుక్’ ఫోటోలకు ప్రేక్షకుల నుంచి అనూహ్య స్పందన లభించింది. ఈ రెండు చిత్రాల్లో ‘అసుర’ సస్సెన్స్ నేపథ్యంలో కథ కొనసాగితే, మరొకటి ‘పండగలా వచ్చాడు’ మాస్ ఎంటర్టైనర్ కథాంశంతో తెరకెక్కనుంది. ఈ రెండు చిత్రాల కథలు కొత్తగా వుండటంతో ప్రేక్షకులను ఆకట్టుకునే విధంగా వుంటాయని ఆయా యూనిట్ బృందాలు తెలుపుతున్నాయి. ప్రస్తుతం షూటింగ్ దశలో వున్న ఈ రెండు చిత్రాలూ.. ఈ ఏడాది మధ్యలోనే విడుదల చేసేందుకు దర్శకనిర్మాతలు సన్నాహాలు చేస్తున్నారు.