వాటిని తీసుకుంటే.. సెక్సులో టాప్ లేపేయొచ్చు

Posted: 11/20/2015 06:35 PM IST

ప్రస్తుత ఆధునిక యుగంలో దంపతులు నిత్యం ఇంటి, ఆఫీసు కార్యకలాపాల్లోనే ఎక్కువ సమయం కేటాయిస్తుంటారు. అప్పుడప్పుడు ఏదో శారీరక సుఖం కోసం శృంగారంలో పాల్గొంటుంటారే తప్ప.. అందులో నిజమైన అనుభూతిని పొందలేకపోతున్నారు. ఇలా కొన్నాళ్లపాటు కొనసాగితే.. ఒకానొక దశలో లోలోపల కొన్ని ఆందోళనలను మెదులుతాయి. తమలో శృంగార కోరికలు తగ్గిపోయాయన్న అనుభవాన్ని పొందుతారు. ఎప్పుడో ఒకసారి శృంగారంలో శృంగారంలో పాల్గొనడం వల్ల ఆ తరహా అనుమానాలు రేకెత్తుతాయి. పెళ్ళైన కొత్తలో ఏ విధంగా సెక్సు సుఖాన్ని అనుభవించామో.. ఇప్పుడు అలా పొందలేకపోతున్నామని ఆవేదన చెందుతుంటారు.

ఈ విధంగా సెక్స్ మీద ఆసక్తి తగ్గడానికి మానసికపరమైన సమస్యలతో పాటు, కొన్ని ఆరోగ్య సమస్యలు కూడా కారణం కావచ్చు. కానీ చాలామందిలో ఎటువంటి సమస్యలు కనపడదు. అయినా వారిలో ఆ విషయంలో అనుమానాలు తప్పకుండా రేకెత్తుతాయి. అలాంటి సమయంలో ఆరోగ్యకరమైన చిట్కాలు పాటించడంతోపాటు కొన్ని ఆహారాలను తీసుకుంటే చాలా మంచిదని, అవి సెక్సులో పాల్గొనే ఆసక్తిని పెంపొందిస్తాయని చెబుతున్నారు. క్రమంతప్పకుండా వ్యాయామం, ఒత్తిడికి దూరంగా ఉండటంతోపాటు.. తీసుకునే ఆహారంలో కొన్ని ప్రత్యేకమైన తప్పకుండా ఉండే విధంగా ప్లాన్ చేసుకుంటే.. ఆ శక్తి బాగా పెరుగుతుందని అంటున్నారు. ఇంతకీ ఆ ఆహారాలేంటో తెలుసుకుందామా...

స్ట్రాబెర్రీ : వీటి గింజల్లో జింక్ ఎక్కువ మోతాదులో వుంటుంది. వీర్యం ఉత్పత్తికి అవసరమైన పురుష హార్మోన్ టెస్టోస్టీరాన్‌ను జింక్ నియంత్రిస్తుంది. సెక్స్ కోరికనూ ఉద్దీపింపజేస్తుంది. మిగతా పండ్ల మాదిరిగా  కాకుండా స్ట్రాబెర్రీలను గింజలతోపాటు తినడం వల్ల జింక్ కూడా ఎక్కువగా లభ్యమవుతుంది. స్ట్రాబెర్రీలో యాంటీ ఆక్సిడెంట్లు లైంగిక అవయవాలకు రక్త సరఫరా బాగా జరిగేలా చూస్తాయి. ఫలితంగా స్తంభన సమస్యలు తలెత్తకుండా కాపాడతాయి.

కోడిగుడ్లు : రోజంతా పనిచేసి అలసిపోవడం కూడా శృంగారంపై ఆసక్తి తగ్గడానికి మరో కారణం కావచ్చు. ప్రొటీన్లు ఎక్కువగా ఉండే గుడ్లు త్వరగా అలసిపోకుండా చూస్తాయి. కోల్పోయిన శక్తిని తిరిగి పుంజుకోవడానికి తోడ్పడతాయి. స్తంభనలోపం బారిన పడుకుండా చూసే ఆమైన్ ఆమ్లాలు గుడ్లులో లభిస్తాయి. రోజూ ఉదయం ఒక గుడ్డు తీసుకుంటే శృంగారంలో టాప్ లేపేయొచ్చని నిపుణులు అంటున్నారు.

గింజధాన్యాలు : బాదం, జీడిపప్పు, అక్రోట్స్ వంటి  గింజలు క్రమంతప్పకుండా తీసుకోవడం వల్ల లైంగిక పటుత్వం పెరుగుతుంది. అంతేకాదు.. సంతాన సామర్థ్యాలను పెంచే సెలీనియం, జింక్ తోపాటు బోలెడన్ని పోషకాలు వీటిలో ఉంటాయి. వీటితోపాటు మెదడులో డొపమైన్ స్థాయలు పెంచడానికి గింజ ధాన్యాలు దోహదం చేస్తాయి. డొపమైన్ సెక్స్ కోరికను పెంచడంతో సెక్స్ పట్ల ఆసక్తి పెరుగుతుంది.