శృంగారానికి దూరంగా వుంటే..!

Posted: 06/09/2015 01:49 PM IST

ప్రస్తుతరోజుల్లో భార్యాభర్తలు నిత్యం బిజీగా గడుపుతుండటంతో సెక్సులో పాల్గొనేందుకు వీలుగా సమయం దొరకడం లేదు. చాలావరకు ఉద్యోగస్తులు ఈ సమస్యని ఎదుర్కొంటున్నారు. మరికొన్ని జంటలు మాత్రం.. సెక్స్‌కే కాకుండా ఒకరినొకరు చూసుకునేందుకు కూడా దూరంగా ఉంటారు. ఏమైనా విభేదాలు తలెత్తిన నేపథ్యంలో కనీసం మాట్లాడుకోరు కూడా! చాలాకాలం వరకు సెక్సులో పాల్గొనకుండా అలాగే వుండిపోతారు. నిజానికి ఇద్దరికి కలవాలని మనసులో అనిపించినా.. వారి ఈగో వారిని కలపనివ్వదు.

ఇలా సెక్సుకు చాలాకాలం దూరంగా వుంటే భార్యాభర్తలు ఆరోగ్యపరంగా ఎన్నో ఇబ్బందులు ఎదుర్కోవలసి వస్తుందని సెక్సాలజిస్టులు అంటున్నారు. ముఖ్యంగా దంపతులు తీవ్రమైన ఒత్తిడిని ఎదుర్కోవడంతోపాటు మానసిక ఒత్తిడికి గురవుతారని వారు చెబుతున్నారు. వీరిలో సెక్స్ కోర్కెలు విపరీతంగా పెరిగి, ఆ అనుభవం కావాలని తహతహలాడుతుంటారని నిపుణులు పేర్కొంటున్నారు. అలాంటప్పుడు సెక్సులో ఉపక్రమించకపోతే ఆరోగ్యపరంగా, శారీరకపరంగా, మానసికపరంగా ఎన్నో ఇబ్బందులు ఎదురవుతాయని వారు సూచిస్తున్నారు. ముందుగా మానసిక ఒత్తిడి తీవ్రంగా పెరిగి, నిత్యం ఆందోళనలో మునిగిపోతారని హెచ్చరిస్తున్నారు.

అయితే.. చాలారోజుల తర్వాత సెక్సులో పాల్గొంటే ఒక కొత్త అనుభవాన్ని పొందుతారని నిపుణులు అంటున్నారు. చాలాకాలం తర్వాత పాల్గొనే సెక్స్ రొటీన్ కి భిన్నంగా వుంటుంది. ఎనలేని అనుభూతిని దంపతులిద్దరూ పొందుతారు. దీనికి కారణం సెక్స్ నుంచి ఎక్కువకాలం దూరమైన పురుషులకు అంగం ఎక్కువసేపు నిలిచి ఉండటమే. ఈ పరిస్థితిల్లో స్ఖలనం ఆలస్యంగా జరుగుతుంది. అందువల్ల రతిలో మజా ఎక్కువగా ఉంటుంది. కాబట్టి.. ప్రయోగాత్మకంగా అప్పుడప్పుడు కొన్ని రోజులు సెక్స్‌‌‍కు దూరంగా ఉండి ఆ తర్వాత శృంగారంలో పాల్గొంటే కొత్త ఆనందం పొందవచ్చని నిపుణులు సలహా ఇస్తున్నారు.