రోజూ శృంగారంలో పాల్గొంటే కలిగే ఆరోగ్య లాభాలు..

Posted: 04/06/2015 04:21 PM IST

ప్రస్తుత కంప్యూటర్ యుగంలో ప్రతీజంటా నిత్యం పనిలో నిమగ్నమవడం వల్ల తమ వ్యక్తిగత, శృంగార జీవితాన్ని అంతగా ఆస్వాదించలేకపోతున్నారు. చాలామంది జంటలు వివాహమైన కొత్తల్లో మినహా మిగిలిన రోజుల్లో సెక్స్‌లో పాల్గొనేందుకు పెద్దగా ఆసక్తి చూపించడం లేదు. ఉదయం నుంచి సాయంత్రం వరకు పని చేయడం వల్ల భార్యాభర్తలిద్దరిలోనూ సెక్స్ కోర్కెలు క్షీణిస్తూ వస్తాయి. తద్వారా ఇద్దరు శృంగారంలో పాల్గొనేందుకు అంతగా ఆసక్తి చూపలేరు. దీంతో ఇద్దరిమధ్యా గొడవలు, విభేదాలు రావడంతోపాటు అనారోగ్య సమస్యలు కూడా ఎక్కువవుతాయి. ఇలా కాకుండా ప్రతిరోజూ సెక్సులో పాల్గొంటే.. ఇద్దరూ సంతోషంగా కలిసిమెలిసి వుండటంతోపాటు ఆరోగ్యంగా వుండవచ్చునని అధ్యయనాలు వెల్లడిస్తున్నాయి.

ప్రతి రోజూ భార్య లేదా ప్రియురాలితో సెక్స్‌ చేయడం వల్ల ఒత్తిడి తగ్గుతుందని, హాయిగా నిద్రపోవచ్చునని నిపుణులు చెబుతున్నారు. ముఖ్యంగా నాడీ, రక్త ప్రసరణ వ్యవస్థతోపాటు.. గుండె పనితీరు మెరుగు పడుతుందని తాజాగా అధ్యయనంలో తేలింది. ప్రతి రోజూ సెక్స్‌లో పాల్గొనక పోయినా... వారానికి రెండు సార్లు సెక్స్‌లో పాల్గొంటే గుండె పనితీరు బాగుంటుందని సెక్స్ నిపుణులు తమ అధ్యయనాల ద్వారా వెల్లడిస్తున్నారు. అలా కాకుండా నెలకు కేవలం ఒకసారి సెక్స్‌లో పాల్గొంటే.. అటువంటివారు గుండె సంబంధిత వ్యాధులకు ముఖ్యంగా గుండెపోటు వంటి వాటికి లోనుకావాల్సి వస్తుందని ఈ అధ్యయనంలో తేలింది.

అలాగే.. శరీరంలో రోగ నిరోధకశక్తి పెరిగేందుకు సెక్స్ దోహదపడుతుందని మరో పరిశోధనలో తేలింది. సాధారణంగా వచ్చే జ్వరం, దగ్గు వంటి చిరుజబ్బుల నుంచి సెక్స్ ఉపశమనం కలిగించడంతోపాటు శరీరాన్ని గట్టిగా దృఢంగా ఉంచుతుంది. కుటుంబ సమస్యల వల్ల ఏర్పడే మానసిక ఒత్తిడిని కూడా తగ్గిస్తుంది. సాధారణంగా సంతోషంగా ఉండే వారి కంటే.. ప్రతి రోజూ సెక్స్‌లో పాల్గొంటూ సుఖమయ దాంపత్య జీవితాన్ని అనుభవిస్తున్నవారు మరింత సంతోషంగా, ఉల్లాసంగా ఉంటున్నారని నిపుణులు పేర్కొంటున్నారు.