శృంగారంలో పాల్గొనండి.. ఆరోగ్యంగా వుండండి!

Posted: 09/12/2014 06:05 PM IST

ఇటీవలే జరిపిన కొన్ని అధ్యయనాల ప్రకారం.. ప్రతిరోజూ శృంగారంలో పాల్గొంటే ఎంతో ఆరోగ్యంగా వుండొచ్చని శాస్త్రవేత్తలు పేర్కొంటున్నారు. సంభోగం (సెక్స్) సమయంలో మెదడులో కొన్ని రసాయన సమ్మేళనాలు విడుదల అయి.. అవి శరీరానికి విశ్రాంతి సంకేతాలను అందిస్తాయని వారు తెలుపుతున్నారు. పిట్యూటరీ అనే ప్రధాన సమ్మేళంన.. మహిళల రక్తప్రవాహంలోకి విడుదల అయి ఒత్తిడిని తగ్గిస్తుంది. ఈ హార్మోన్ ప్రభావంతో ప్రశాంతత పెంపొందించబడుతుంది. దీంతో మంచి నిద్రలోకి జారిపోతారు. అంతేకాదు.. ప్రతిరోజూ లైంగిక కార్యకలాపాల్లో పాల్గొంటే జలుబు, తలనొప్పి, మానసిక ఒత్తిళ్లు ఇలా రకరకాల సాధారణ జబ్బులు తగ్గుముఖం పడుతాయని నిపుణులు తెలుపుతున్నారు. వీటితోపాటు కలిగే మరిన్ని ఆరోగ్య ప్రయోజనాలను కూడా వాళ్లు విశ్లేషిస్తున్నారు. అవేమిటంటే...

1. నిత్యం సెక్సులో పాల్గొనడం వల్ల హర్మోన్లు, ఇతర సమ్మేళనాలు విడుదల అవుతాయి. దాంతో శరీరంలో రోగనిరోధక శక్తిని పెంచి, వ్యాధిని నిరోధించడానికి సహాయపడుతుంది. మొత్తానికి ఇది శరీరంలో ఇన్ఫెక్షన్ ను పూర్తిగా తగ్గిస్తుంది.

2. సెక్సులో పాల్గొంటున్న నేపథ్యంలో ఒక ఉద్వేగ సమయంలో విడుదల అయ్యే ఆక్సిటోసిన్ మంచి నిద్రకు సహాయపడుతుంది. అలాగే మానసిక ఒత్తిళ్ల నుంచి విముక్తి కలిగిస్తుంది.

3. ప్రతిరోజూ సెక్స్ లో పాల్గొనడం వల్ల రక్తనాళాల ద్వారా రక్తం బాగా పంపింగ్ జరిగి.. గుండెను ఆరోగ్యంగా వుంచడానికి సహాయపడుతుంది.

4. చర్మాన్ని అందంగా వుంచడంలో సెక్స్ పాత్ర చాలా ముఖ్యమైంది. అంతేకాదు.. త్వరగా వృద్ధాప్యం రాకుండా ఇది సహాయపడుతుంది.

5. ప్రతిరోజూ సెక్స్ చేస్తే వ్యాయామం ఎక్కువగా చేయాల్సిన అవసరం వుండదు. అంటే.. ఫిట్ గా వుంటారని అర్థం. అయితే ఇలా ఫిట్ గా వుండాలంటే అందుకు ప్రత్యేకమైన పద్ధతిలో సెక్స్ లో పాల్గొనాల్సి వుంటుంది. ఒక చాపను నేలమీద వేసుకుని... 30 నిముషాలపాటు కౌగిలించుకోవాల్సి వుంటుంది.

6. ఇక్కడ ఒక ముఖ్యమైన విషయం గురించి చర్చించుకోవాల్సి వుంది. రోజూ సెక్సులో పాల్గొంటే.. పురుషుల్లో వచ్చే ప్రోస్టేట్ క్యాన్సర్ ప్రమాదం నుంచి కాపాడుతుంది. పురుషులు స్ఖలించే ద్రవాలలో అధికభాగం ప్రోస్టేట్ గ్రంధి స్రవిస్తుంది. ఒకవేళ సంభోగం ఆపితే.. ఆ ద్రవాలు ప్రోస్టేట్ గ్రంథిలోనే వుండిపోతాయి. దాంతో అది ప్రోస్టే క్యాన్సర్ కు దారితీసే ప్రమాదముంది.

7. సాధారణంగా కొంతమంది సహజ నొప్పితో బాధపడుతుంటారు. అలాంటప్పుడు రోజూ సెక్సులో పాల్గొంటే ఆ సమయంలో పురుషులు, స్త్రీ శరీరంలో ఎండోర్ఫిన్స్ అనే హార్మోన్ ఉత్పత్తి అవుతుంది. అది సహజనొప్పి కిల్లర్ గా పనిచేసి, విశ్రాంతిని కలిగిస్తుంది.

8. సంభోగం సమయంలో మానవ శరీరంలో డోపమైన్ అనే ఒక పదార్థం ఉత్పత్తి అవుతుంది. అది శరీరంలో వున్న ఒత్తిడి హార్మోన్ల మీద పోరాటం చేసి సుఖాన్ని ప్రసాదిస్తుంది.

9. రోజూ సెక్స్ లో పాల్గొంటే.. మహిళల్లో టెస్టోస్టీరాన్ స్థాయిలు అధిక మోతాదులో విడుదల అయి ఎముకల సాంధ్రతను అభివృద్ధి చేస్తాయి. అలాగే అస్టియోపోరోసిన్ ప్రమాదాన్ని తగ్గించడానికి ఇది సహాయపడుతుంది.