హాంగ్ కాంగ్ ఓపెన్ లో సెమీస్ కు సింధు

Posted: 11/24/2017 06:59 PM IST

హాంకాంగ్‌ ఓపెన్‌ సూపర్‌ సిరీస్‌లో రెండోసీడ్‌ పీవీ సింధు జోరు ప్రదర్శిస్తూ సెమీస్‌కు దూసుకుపోయింది. ఇవాళ జరిగిన మహిళల సింగిల్స్‌ క్వార్టర్‌ఫైనల్లో వరల్డ్‌ మూడో ర్యాంకర్‌ సింధు 21-12, 21-19తో ఐదో సీడ్‌ అకానె యమగూచి (జపాన్‌)ని చిత్తుచేసింది. సెమీస్‌లో ఆరో సీడ్‌ రచనోక్‌ ఇంతనోన్‌ (థాయ్‌లాండ్‌)తో సింధు తలపడనుంది. రచనోక్‌ క్వార్టర్‌ఫైనల్లో 21-14, 21-16తో మిచెల్లి లీ (కెనడా)పై సునాయాసంగా గెలుపొందింది.

సింధుపై 4-1తో రచనోక్‌ మెరుగైన రికార్డు కలిగి ఉంది. యమగూచితో 37 నిమిషాలు సాగిన క్వార్టర్స్‌లో సింధు పూర్తి ఆధిక్యం కనబరిచింది. తొలి గేమ్‌లో సింధుదే హవా. దూకుడుగా ఆడిన ఆమె గేమ్‌పై పట్టు సాధించింది. అయితే రెండోగేమ్‌ లో ఓ దశలో సింధు వెనుకపడినా అంతలోనే తేరుకుని ప్రత్యర్థికి బ్రేక్‌ వేసింది. చివరి రెండు పా యింట్ల కోసమైతే అటు సింధు ఇటు యమగూచి హోరాహోరీగా తలపడ్డారు. కానీ చివర్లో పొరపాట్లకు చోటివ్వని సింధు మ్యాచ్‌ను సొంతం చేసుకుంది.