స్వర్ణంతో శుభారంభాన్నిచ్చిన హీనా సిద్దూ

Posted: 10/31/2017 07:42 PM IST

భారత షూటర్ హీనా సిద్ధూ మరోసారి తనదైన ఎయిర్ పిస్టల్ ఈవెంట్ లో సత్తా చాటింది. బ్రిస్బేన్ లో జరుగుతోన్న కామన్ వెల్త్ షూటింగ్ ఛాంపియన్ షిప్ టోర్నీలో హీనా వ్యక్తిగత విభాగంలో స్వర్ణం సాధించింది. టోర్నీలో భాగంగా ఈ రోజు నిర్వహించిన 10మీటర్ల ఎయిర పిస్టల్ విభాగంలో హీనా 240.8 పాయింట్లు సాధించి అగ్రస్థానంలో నిలిచింది. ఆస్ట్రేలియాకు చెందిన ఎలీనా (238.2), క్రిస్టీ గిల్మన్(213.7) రజత, కాంస్య పతకాలను దక్కించుకున్నారు.

అలాగే పురుషుల 10మీటర్ల ఎయిర్ రైఫిల్ ఈవెంట్‌లో భారత్ కు చెందిన దీపక్ కుమార్ కాంస్యంతో సరిపెట్టుకున్నాడు. ఇటీవల ఢిల్లీలో జరిగిన ఐఎస్ఎస్ఎఫ్ ప్రపంచకప్ ఫైనల్లో జీతూరాయ్ తో కలిసి మిక్స్ డ్ డబుల్స్‌ విభాగంలో హీనా స్వర్ణం దక్కించుకుంది. ఇదే ఏడాది మే మాసంలో గ్రాండ్ ప్రిక్స్ ఆఫ్ లిబరేషన్ ప్లాజా షూటింగ్ ఛాంపియన్స్ షిప్ లో హీనా 10మీటర్ల ఎయిర్ పిస్టల్ విభాగంలో కాంస్యం గెలుచుకుంది.