సింధూ విజయంపై సైనా ఎలా స్పందించిందో తెలుసా..?

Posted: 08/28/2017 07:43 PM IST

What saina nehwal told gopichand post pv sindhu s epic

ప్రపంచ బ్యాడ్మింటన్ ఛాంపియన్ షిప్ లో భారత అగ్రశ్రేణి షట్లర్లు పీవీ సింధు, సైనా నెహ్వాల్ రజతం, కాంస్య పతకాలను కైవసం చేసుకున్న సంగతి తెలిసిందే. సెమీఫైనల్లో జపాన్ క్రీడాకారిణి నొజొమి ఒకుహర చేతిలో ఓడిన సైనా కాంస్యంతో సరిపెట్టుకుంది. అదే జపాన్ క్రీడాకారిణి చేతిలో ఫైనల్లో ఓడిన సింధు రజతం దక్కించుకుంది. టోర్నీలో భాగంగా జరిగిన మహిళల సింగిల్స్‌ ఫైనల్‌ పోరు సుమారు 110 నిమిషాల పాటు హోరాహోరీగా సాగింది.

ఈ మ్యాచ్‌ని భారీ సంఖ్యలో అభిమానులు తిలకించారు. పతకం అందుకోవడానికి అక్కడే ఉన్న సైనా నెహ్వాల్‌.. సింధు-ఒకుహర ఫైనల్ పోరును గ్యాలరీలో కూర్చుని స్వయంగా వీక్షించింది. పోరాట పటిమ, కసి, గెలుపు ఆకాంక్షతో నువ్వా నేనా అన్నట్లు సాగిన పోరును చూస్తున్న సైనాకు మాటల్లేవు. ఒక్కో పాయింట్ కోసం ప్రత్యర్థులు పోరాడిన తీరు చూసి ఆశ్చర్యపోయిన సైనా మ్యాచ్ అనంతరం సింధు కోచ్ పుల్లెల గోపిచంద్ను అభినందించింది.

ఈ నేపథ్యంలో సైనా ‘ఈ మ్యాచ్‌ చూస్తే నాలో పెట్రోలు అయిపోయిందన్న భావన కలుగుతోంది’ అని గోపిచంద్ తో వ్యాఖ్యానించిందని.. అయితే దానిపై స్పందించిన గోపిచంద్ ‘ఎప్పుడో ఒకప్పుడు, ఏదో ఒక సమయంలో పెట్రోలు అయిపోవాల్సిందే. అప్పటి వరకు పోరాటం మాత్రం ఆగకూడదని బదులిచ్చాడని ఓ జాతీయ మీడియా పేర్కోనింది. అయితే అమె వ్యాఖ్యలకు అంతే ఘాటుగా గోపిచంద్ బదులివ్వడానికి కారణాలు కూడా లేకపోలేదు. ఎందుకంటే సైనా నెహ్వాల్ కూడా ఒకప్పుడు గోపిచంద్ శిష్యురాలే అన్న విషయం తెలిపిందే.