బల్గేరియా ఓపెన్‌ లో యువషట్లర్ సంచలనం..

Posted: 08/17/2017 07:50 PM IST

బ్యాడ్మింటన్ రంగంలో భారత్ దూసుకెళ్తుంది. ఈ క్రిడలో భారత యువ సంచలనం లక్ష్యసేన్ తన సత్తా చాటాడు. 16 ఏళ్ల ఈ క్రీడాకారుడు అంతర్జాతీయంగా వరుస విజయాలతో దూసుకుపోతున్నాడు. తాజాగా బల్గేరియా ఓపెన్‌ ఇంటర్నేషనల్‌ సిరీస్ లో టైటిల్ ను సాధించి సంచలనం సృష్టించాడు. అగ్రశ్రేణి క్రీడాకారులకు షాకిస్తూ ఫైనల్లోకి దూసుకెళ్లిన లక్ష్యసేన్ తుదిపోరులో ప్రపంచ రెండో సీడ్‌ క్రీడాకారుడికి షాకిచ్చి విజయాన్ని అందుకున్నాడు.

సుమారు 57 నిమిషాల పాటు హోరాహోరీగా జరిగిన ఫైనల్‌ పోరులో జీవోనిమిర్‌(క్రొయేషియా) తో తలపడిన లక్ష్యసేన్‌ 18-21, 21-12, 21-17తో విజయాన్ని అందుకున్నాడు. ఉత్తరాఖండ్ కి చెందిన లక్ష్యసేన్ తన 16వ జన్మదినాన్ని క్రితం రోజునే జరుపుకున్న ఈ యువ క్రీడాకారుడు.. తన జన్మదినం సందర్భంగా దేశానికే బహుమానాన్ని అందించాడు. కాగా అతనికి తోడుగా మాజీ జాతీయ ఛాంఫియన్ సయాలీ గోఖలే వున్నారని, అమె అతనితో ప్రయాణిస్తేూ.. అతడు ఎలాంటి ఒత్తడికి గురికాకుండా చూసుకుంటున్నారని లక్ష్యసేన్ కోచ్ విమల్ కుమార్ చెప్పారు.

ఇక రానున్న మరో ఆరు మాసాల్లో లక్ష్యసేస్ ఏయే టోర్నీలలో అడతారని మీడియా అడిగిన ప్రశ్నలకు బదులిచ్చిన విమల్ కుమార్.. మరో రెండు నెల్లలో వియత్నాం గ్రాండ్ ఫ్రిక్స్ లో లక్ష్యసేన్ పాల్గోంటున్నాడని, ఆ రతువాత జూనియర్ వరల్డ్ ఛాంపియన్ షిప్ పోటీలలో పాల్గోంటున్నాడని చెప్పారు. ప్రస్తుతం లక్ష్యసేన తన బలంతో పాటు మరిన్ని మెళకులతో ప్రత్యర్థులను చిత్త చేసేందుకు సిద్దం అవుతున్నాడని విమల్ కుమార్ చెప్పారు. ఈ ఏడాది ఫిబ్రవరిలో జరిగిన సీనియర్‌ నేషనల్‌ ఛాంపియన్‌షిప్‌ పోటీల్లో లక్ష్యసేన్‌ ఫైనల్‌ చేరుకున్నాడు.