ఒక్క ర్యాంకు దిగజారిన పీవీ సింధు, సైనా నెహ్వాల్

Posted: 05/04/2017 09:26 PM IST

Telangana govt finally hands plot allotment order to sindhu

భారత షెట్లర్ స్టార్.. తెలుగు తేజం పీవీ సింధు, మరో స్టార్ సైనా నెహ్వాల్ ఇద్దరూ బీడబ్యూఎఫ్ తాజాగా ప్రకటించిన ప్రపంచ బ్యాడ్మింటన్ ర్యాకింగ్ లో ఒక్కో స్థానం దిగజారారు. ప్రపంచ మూడో ర్యాంకర్ గా వున్న సింధూ ఒక్క స్థానం దిగజారి నాలుగో స్థానానికి పరమితం కాగా, సైనా నెహ్వాల్ కూడా ఒక్క స్థానం దిగజారి తొమ్మిదవ స్థానానికి పరిమితం అయ్యారు. ఇద్దరూ తాజాగా అడిని అసియా చాంఫియన్ షిఫ్ పోటీలలో ప్రతిభను కనబర్చడంలో విఫలం కావడంతోనే వారి ర్యాంకులు దిగజరాయి.

సైనా నెహ్వాల్ తొలి రౌండ్ లోనే ఇంటిముఖం పట్టగా, సింధూ క్వార్టర్ ఫైన్సల్ లో వెనుదిరిగింది. దీంతోనే వారికి ర్యాంకులు వెనక్కు జరిగాయి. ఇక పురుషుల సింగిల్స్ లో అజయ్ జయరాం 13వ స్థఆనంలో కొనసాగుతూ బెస్ట్ ర్యాంక్డ్ ఇండియన్ గా నిలువగా, సింగపూర్ సూపర్ సిరీస్ చాంఫియన్ షిఫ్ కొట్టిన సాయి ప్రణిత్ 22 స్థానానికి ఎగబాకాడు. ఇక ప్రపంచ మూడో ర్యాంకర్ గా కొనసాగిన కిదాంబి శ్రీకాంత్ 26వ స్థానంలో కొనసాగుతున్నాడు. మహిళల డబుల్స్ విభాగంలో రాణిస్తున్న అశ్వనీ పోన్నప్ప, సిక్కి రెడ్డిలు 28వ స్థానాన్ని పధిలం చేసుకున్నారు.

సింధూకు ఇంటిస్థలం కేటాయింపు

పివి సింధుకు తెలంగాణ రాష్ట్ర ప్రభుత్వం వెయ్యి గజాల స్థలం కేటాయించింది. రియో ఒలింపిక్స్ లో రజత పతకం సాధించినందుకు కానుకగా ఈ భూమిని కేటాయించింది. హైదరాబాద్ లోని ప్రగతి భవన్ లో సీఎం కేసీఆర్ ఇందుకు సంబంధించిన పత్రాలను ఈ రోజు సింధుకు అందజేశారు. ఈ సందర్భంగా కేసీఆర్ కు సింధు, ఆమె తల్లిదండ్రులు తమ ధన్యవాదాలు తెలిపారు. కాగా, నగరంలో ఇంటి నిర్మాణం నిమిత్తం సింధుకు భూమిని ఇస్తామని ప్రభుత్వం గతంలో ప్రకటించిన విషయం తెలిసిందే.