కరోలినా మారిన్ కు దిమ్మతిరిగే బదుల్చిన సైనా నెహ్వాల్..!

Posted: 03/30/2017 08:39 PM IST

I was already world no 1 saina nehwal replies to carolina marin

ఇండియన్ ఓపెన్ బ్యాడ్మింటన్ సిరీస్ ప్రారంభం కానున్న నేపథ్యంలో కరొలినా మారిన్ చేసిన వ్యాఖ్యలకు భారత ఏస్ షెట్లర్ సైనా నెహ్వాల్ దిమ్మతిరిగే బదులిచ్చింది. ఇండియన్ ఓపెన్ సిరీస్ లో ప్రారంభోత్సవాన్ని పురస్కరించుకుని ఒకే వేదికపై మాట్లాడిన క్రీడాకారిణులు.. ఒకరిపై ఒకరు పంచులు వేసుకున్నారు. తొలుత ప్రపంచ నాలుగో ర్యాంకులో కొనసాగుతున్న స్పెయిన్ షెట్టర్ కారోలినా మరియ మారిన్ మార్టిన్ మాట్లాడుతూ, టోర్నీలో విజయం సాధించడమే తన లక్ష్యమని చెప్పింది.

అయితే అదే సమయంలో సైనా నెమ్వాల్ ను వరల్డ్ నెంబర్ వన్ కాకుండా అడ్డుకుంటానని కూడా చెప్పి అక్కడున్నవారిని విస్మయానికి గురి చేసింది. ఆ తరవాత అవకాశం లభించిన నేపథ్యంలో భారత స్టార్ షెట్లర్ సైనా మాట్లాడుతూ తాను ఎప్పుడు ర్యాంకుల కోసం అడలేదని చెప్పింది. కోర్టులోకి దిగిన వెంటనే తనకు కేవలం దేశం మాత్రమే గుర్తువుంటుంది తప్ప ఇతరాత్రాలు ఏమీ గుర్తుకు రావని తెలిపింది.

అయితే తాను గత పదేళ్ల నుంచి టాప్ టెన్ లో వున్నానాని, ఇక ప్రపంచ నెంబర్ వన్ స్థానంలో తాను ఎప్పుడో కొనసాగానని, ఇక ఇప్పుడు దానిని నిలువరించాలని అనుకోవడం మారిన్ అవివేకమని చెప్పుకోచ్చింది. అంతేకాకుండా తనను నెంబర్ వన్ కాకుండా అడ్డుకుంటానన్న వాళ్లు.. వాళ్లైనా నెంబర్ వన్ స్థానాన్ని చేరుకుంటారా..? అంటే అదీ లేదన్నారు. ఒకవేళ చేరుకుంటే మాత్రం తాను సంతోషిస్తానన్నారు. సైనా నుంచి ఈ ఊహించని జవాబు రావడంతో కరోలినా మారిన్ దిమ్మదిరిగింది. 30వ ర్యాంకులో ఉన్నప్పటి నుంచి తాను టోర్నీలు గెలవడం గురించే ఆలోచించానని చెప్పింది. టోర్నీలు గెలుస్తూ ఉంటే ర్యాంకులు ఆటోమేటిగ్గా మెరుగవుతాయని తెలిపింది.