అస్ట్రేలియా ఓపెన్: క్వార్టర్స్ లో సైనా ఓటమి

Posted: 05/29/2015 01:53 PM IST

Defending champion saina nehwal bows out of australian open

ఆస్ట్రేలియన్ ఓపెన్ లో డిఫెండింగ్ చాంపియన్ హోదాలో బరిలోకి దిగిన భారత బ్యాడ్మింటన్ స్టార్, ప్రపంచ నెంబర్ వన్ ర్యాంకర్ సైనా నెహ్వాల్.. పోరు ముగిసింది. శుక్రవారం జరిగిన క్వార్ట్రర్ పోరులో సైనా నెహ్వాల్ తన ప్రత్యర్థి క్రీడాకారిణి ప్రపంచ ఐదవ సీడ్ క్రీడాకారణి చైనాకు చెందిన వాంగ్ షియాన్ చేతిలో పరాజయం పాలైంది. తొలి సెట్ నుంచి సైనా తన ప్రదర్శనను రక్తి కట్టించలేకపోయింది. ప్రి క్వార్ట్రర్ పోరులో సైనా నెహ్వాల్ తన ప్రత్యర్థి క్రీడాకారిణి ప్రపంచ 9వ ర్యాంకర్ సున్ యు (చైనా)ను 21-19, 19-21,21-14 తేడాతో ఓడించి అస్ట్రేలియా ఓపెన్ లో క్వార్టర్ ఫైనల్ కు చేరిన సైనా.. సిడ్నీ ఒలంపిక్ పార్కులో ఇవాళ జరిగిన మ్యాచ్ లో.. వాంగ్ షియాన్ చేతిలో 15-21, 13-21 తేడాతో ఓటమి పాలైంది. డించి అస్ట్రేలియా ఓపెన్ లో క్వార్టర్ ఫైనల్ కు చేరింది.

దీంతో ఈ ఇద్దరి క్రీడాకారుణుల ముఖాముఖి రికార్డు సైనా ఓటమితో సమంగా చేసుకున్నట్లు అయ్యింది. ఇప్పటి వరకు వీరిద్దరి మద్య 11 మ్యాచ్ లు జరగ్గా.. ఇదివరకే ఆరింటిలో గెలచి సైనా.. ఈ ఓటమితో ప్రత్యర్థి క్రీడాకారిణి కూడా అదే స్థాయిలో విజయాలను నమోదు చేసుకునేట్లు చేసింది. సైనా నెహ్వాల్ ప్రదర్శన తీరుపట్ల అమె అభిమానులు నిరుత్సాహం చెందుతున్నారు. కాగా, సైనా ఓటమితో భారత్ పోరు ముగిసినట్లు అయ్యింది. గురువారం కిదాంబి శ్రీకాంత్ సహా గుత్తాజ్వాల, అశ్వనీ పోన్నప్ప కూడా ఓటమిని చవిచూసి వెనుదిరిగారు.

జి. మనోహర్