అప్ఘన్ల హృదయాలను గెలుచుకున్న షోయబ్ మాలిక్

చివరి ఆరు బంతుల్లో పాక్ విజయానికి 10 పరుగులు అవసరమవగా.. క్రీజులో సీనియర్ బ్యాట్స్‌మెన్ షోయబ్ మాలిక్ ఉండటంతో అఫ్గానిస్థాన్ కెప్టెన్ అస్గర్ బంతిని యువ బౌలర్ అప్తాబ్‌ అలామ్‌ చేతికిచ్చాడు. అయితే.. ఆ ఓవర్‌లో తొలి బంతిని చక్కగా డాట్ చేసిన అలామ్.. మ్యాచ్‌లో అఫ్గాన్‌ని గెలిపించేలా కనిపించాడు. కానీ.. క్రీజులో ఉన్న మాలిక్.. వరుసగా రెండు, మూడు బంతుల్ని 6, 4గా మలిచేసి పాక్ ఆటగాళ్లని సంబరాల్లో ముంచెత్తాడు.

చేతుల్లోకి వచ్చిన మ్యాచ్‌ తన కారణంగా ఓడిపోవడంతో బౌలర్ అలామ్ మైదానంలోనే కన్నీళ్లు పెట్టుకున్నాడు. దీంతో.. షోయబ్ మాలిక్ స్వయంగా వచ్చి అతడ్ని ఓదార్చి ధైర్యం చెప్పే ప్రయత్నం చేశాడు. ఇప్పుడు ఈ వీడియో వైరల్‌గా మారింది. శుక్రవారం రాత్రి జరిగిన ఈ మ్యాచ్‌లో తొలుత బ్యాటింగ్ చేసిన అఫ్గానిస్థాన్ జట్టు నిర్ణీత 50 ఓవర్లలో 6 వికెట్ల నష్టానికి 257 పరుగులు చేయగా.. పాక్ 49.3 ఓవర్లలోనే 258/7తో విజయాన్ని అందుకుంది. టోర్నీలో భాగంగా భారత్, పాకిస్థాన్ మధ్య ఆదివారం మ్యాచ్ జరగనుంది.

Terrific gesture by the legend @realshoaibmalik - went to hug Aftab who was very emotional & crying. The Freddie-Lee moment relived. pic.twitter.com/rzy8sLyONi

— Mujahid Malik