చరిత్ర సృష్టించిన టీమిండియా మహిళా సారధి..

Posted: 09/12/2018 08:52 PM IST

హైదరాబాదీ అమ్మాయి, భారతీయ మహిళా క్రికెట్‌ కెప్టెన్‌ మిథాలీరాజ్‌ అరుదైన రికార్డు సొంతం చేసుకున్నారు. అంతర్జాతీయ మహిళా క్రికెటర్ గా రాణించి ఇప్పటికే పలు రికార్డులను అందుకున్న అమె తాజాగా అత్యధిక వన్డేలకు నాయకత్వం వహించిన సారధిగా కూడా కొత్త రికార్డును అందుకుని చరిత్ర సృష్టించారు. శ్రీలంకతో జరిగిన మ్యాచ్ తో మిథాలీ ఈ మైలురాయిని అందుకున్నారు.

ఇప్పటి వరకు 195 వన్డేలు ఆడిన మిథాలీ 118 వన్డేలకు సారధిగా వ్యవహరించారు. ఈ ఘనత సాధించడం ద్వారా ఇంగ్లండ్‌ మాజీ మహిళా క్రికెటర్‌ చార్లెస్‌ ఎడ్వర్ట్‌ (117 వన్డేలు) పేరిట ఉన్న రికార్డును అమె బ్రేక్ చేశారు. ఆస్ట్రేలియా మాజీ మహిళా క్రీడాకారిణి బెలిండా క్లార్క్‌ (101) మూడో స్థానంలో ఉన్నారు. అంతర్జాతీయ మహిళా క్రికెట్ లో ఇప్పటి వరకు వందకు పైగా వన్డేలకు నాయకత్వం వహించింది ఈ ముగ్గురే.