Harmanpreet Kaur Removed as DSP by Punjab Police డీఎస్పీ హోదా నుంచి కానిస్టేబుల్ స్థాయికి డిమోట్

Punjab withdraws harmanpreet s dsp rank over fake degree

Punjab Police, indian women’s twenty20 captain, harmanpreet’s dsp rank, Harmanpreet Kaur, Fake Degree, dsp rank, sports news,sports, latest sports news, cricket news, cricket

The Punjab government has withdrawn Harmanpreet Kaur's deputy superintendent of police rank, India women's T20 captain, after police verification found that her graduation degree was fake.

డీఎస్పీ హోదా నుంచి కానిస్టేబుల్ స్థాయికి డిమోట్

Posted: 07/10/2018 06:12 PM IST
Punjab withdraws harmanpreet s dsp rank over fake degree

దేశ రాజకీయాలలో నకిలీ డిగ్రీ సర్టిఫికేట్స్‌ ఓ వైపు ఇప్పటికీ తెగని సమస్యగా మారగా, అదే ఫేక్ సర్టిఫికేట్స్ వ్యవహారంలో చిక్కుకున్న ఓ క్రీడాకారిణికి మాత్రం పదవి కోల్పోయేలా చేసింది. అమె సమర్పించిన ధృవపత్రాలు నకిలీవని తేలడంతో ఆ రాష్ట్ర ప్రభుత్వం అమెను డీఎస్సీ స్థాయి నుంచి కానిస్టేబుల్ స్థాయికి డిమోట్ చేసింది. ఇంతకీ అమె ఎవరంటారా.. భారత మహిళల టీ20 జట్టు కెప్టెన్ హర్మన్‌ప్రీత్‌ కౌర్‌..
ఆమెకు డీఎస్పీ హోదాని తొలగిస్తూ పంజాబ్ ప్రభుత్వం తాజాగా నిర్ణయం తీసుకుంది.

గత ఏడాది ఇంగ్లాండ్‌ వేదికగా జరిగిన మహిళల ప్రపంచకప్‌లో హర్మన్‌‌ప్రీత్ కౌర్ అద్భుత శతకంతో భారత జట్టుని ఫైనల్‌కి చేర్చింది. దీంతో.. ఆమెకి అప్పట్లో పంజాబ్ ప్రభుత్వం పోలీసు శాఖలో డీఎస్పీ జాబ్‌ని ఆఫర్ చేయగా.. ఈ ఏడాది మార్చి 1న ఈ క్రికెటర్ బాధ్యతలు స్వీకరించింది. కానీ.. ఆ సమయంలో సమర్పించిన డిగ్రీ సర్టిఫికేట్స్‌ నకిలీవని తాజాగా పంజాబ్‌ పోలీసులు తేల్చారు. 2011లో చౌదరి చరణ్ సింగ్ యూనివర్సిటీ నుంచి తాను డిగ్రీ పాసైనట్లు హర్మన్‌ప్రీత్‌ కౌర్ పోలీసు శాఖకి సర్టిఫికేట్స్‌ సమర్పించింది. కానీ.. విచారణలో అవి నకిలీవని తేలింది.

దీంతో.. ఇక నుంచి హర్మన్‌ప్రీత్‌ని 12వ తరగతి మాత్రమే పాసైనట్లుగా పంజాబ్ ప్రభుత్వం చూస్తుందని.. ఆమె అర్హతకి పోలీసు శాఖలోనే కానిస్టేబుల్‌ ఉద్యోగం (ఆమె ఒప్పుకుంటే) ఇవ్వనున్నట్లు ఓ అధికారి తెలిపారు. నకిలీ సర్టిఫికేట్స్‌ సమర్పించినప్పటికీ.. హర్మన్‌ప్రీత్ అంతర్జాతీయ క్రికెట్ భవిష్యత్‌ను దృష్టిలో పెట్టుకుని ఆమెపై చట్టపరమైన చర్యలు తీసుకోవడం లేదని ఆయన వివరించారు. హర్మన్‌ప్రీత్‌పై ఎఫ్‌ఐఆర్‌ నమోదు చేస్తే.. ఇప్పటికే ఆమె అందుకున్న అర్జున అవార్డుని కూడా కోల్పోవాల్సి వస్తుంది.

If you enjoyed this Post, Sign up for Newsletter

(And get your daily news straight to your inbox)

Other Articles

Today on Telugu Wishesh