అత్యంత పిన్న వయస్కు కెప్టెన్ గా రషీద్

Posted: 03/05/2018 01:13 PM IST

అఫ్గానిస్తాన్‌ క్రికెట్‌ జట్టు ఆటగాడు రషీద్ ఖాన్ అరుదైన రికార్డును సొంతం చేసుకున్నాడు. వన్డేలో అత్యంత చిన్న వయస్కు కెప్టెన్ గా రికార్డు సాధించాడు. ప్రపంచకప్‌ క్వాలిఫయింగ్‌ టోర్నీలో భాగంగా ఆదివారం స్కాట్లాండ్‌తో జరిగిన మ్యాచ్‌లో రషీద్ ఈ ఘనత సాధించాడు.

ఒక జాతీయ క్రికెట్‌ జట్టుకు అత్యంత పిన్న వయసులో నాయకత్వం వహించి కొత్త అధ్యాయాన్ని లిఖించాడు. కెప్టెన్  అఫ్జఘర్ అపెండిసైటిస్ జరగటంతో మ్యాచ్ కు దూరంగా ఉన్న విషయం తెలిసిందే. అందుకే ఆ స్థానంలో రషీద్ ను తీసుకున్నారు. 19 ఏళ్ల 165 రోజుల వయసులో  రషీద్‌ ఖాన్‌ అఫ్గానిస్తాన్‌కు సారథిగా వ్యవహరించాడు. అంత​కుముందు ఈ రికార్డు బంగ్లాదేశ్‌ ఆటగాడు రజిన్‌ సలేహ్‌ పేరిట ఉండేది. 20 ఏళ్ల 297 రోజుల వయసులో బంగ్లాదేశ్‌కు రజిన్‌ నాయకత్వం వహించాడు. కాగా, ఆ రికార్డును రషీద్‌ ఖాన్‌ బద్ధలు కొట్టాడు.

ప్రస్తుతం రషీద్‌ ఖాన్‌ వన్డే, టీ20 బౌలర్ల ర్యాంకింగ్స్‌ జాబితాలో అగ్రస్థానంలో కొనసాగుతుండటం మరో విశేషం. నిన్న జరిగిన మ్యాచ్‌లో రషీద్ నేతృత్వంలోని అప్ఘాన్ జట్టు ఓటమి పాలైంది. ఈ మ్యాచ్‌లో రషీద్ పేలవ ప్రదర్శన చేశాడు. బ్యాటింగ్‌లో ఎల్బీగా గోల్డెన్ డక్ అయిన రషీద్.. 9 ఓవర్లు బౌలింగ్ చేసిన 68 పరుగులిచ్చి ఒక్క వికెట్ మాత్రమే పడగొట్టాడు.