ప్రధానిని విందుకు అహ్వానించిన విరుష్క జంట

Posted: 12/20/2017 08:36 PM IST

టీమిండియా క్రికెట్ కెప్టెన్ విరాట్ కోహ్లీ, బాలీవుడ్ నటి అనుష్క శర్మ దంపతులు ప్రధాని నరేంద్ర మోదీని కలిశారు. ఈ సందర్భంగా మోదీ వారిద్దరికి శుభాకాంక్షలు తెలిపారు. కోహ్లీ, అనుష్కశర్మల వివాహం డిసెంబర్ 11న ఇటలీలో ఘనంగా జరిగిన విషయం తెలిసిందే. హనీమూన్ అనంతరం భారత్‌కు చేరుకున్న ఈ సెలబ్రిటీ జంట ప్రధాని మోదీని కలిసింది. గురువారం ఢిల్లీలో ఏర్పాటుచేసిన తమ వివాహ రిసెప్షన్‌కు రావాల్సిందిగా ఆహ్వానించినట్లు సమాచారం. కాగా, మరో రిసెప్షన్ ఈనెల 26న ముంబైలో జరగనుంది.

ఫిన్లాండ్ లో హానీమూన్ ముగించుకుని క్రితం రోజున స్వదేశానికి చేరుకున్న ఈ కొత్త జంట.. నేరుగా విరాట్ కోహ్లీ స్వగృహంలో అడుగుపెట్టింది. తన భార్యను విరాట్ కోహ్లీ నేరుగా తన స్వగృహానికి తీసుకెళ్లాడం.. అక్కడ వీరిద్దరూ ఫోటోలు దిగడం అవి కాస్తా సోషల్ మీడియాలో వైరల్ కావడం అంతా చకచకా జరిగిపోయాయి. గులాబీ రంగు చీరలో అనుష్క, షేర్వాణీలో కోహ్లీలు ఆకట్టుకుంటున్నారు. రేపు ఢిల్లీలోని హోటల్ తాజ్ లో వీరు రిసెప్షన్ ఇవ్వనున్నారు. అనంతరం 26వ తేదీన ముంబైలో బాలీవుడ్ ప్రముఖులకు మరో రిసెప్షన్ ఇవ్వబోతున్నారు.