అభిమానులను క్షమాపణలు కోరిన హార్థిక్

Posted: 11/15/2017 06:50 PM IST

టీమిండియా ఆల్‌రౌండర్ హార్ధిక్ పాండ్యా అభిమానులకు సారీ చెప్పాడు. ఇటీవల విరామం లేకుండా మ్యాచ్‌లు ఆడిన పాండ్యా శ్రీలంకతో సిరీస్‌కు అందుబాటులో లేడు. విశ్రాంతి కావాలని స్వయంగా అడిగి మరీ జట్టుకు దూరమయ్యాడు. ఈ నేపథ్యంలో అభిమానులను ఉద్దేశించి పాండ్యా మాట్లాడుతూ.. అతి తక్కువ మ్యాచ్ లు ఆడిన తాను విశ్రాంతి తీసుకోవడం ఏమిటని అభిమానులు భావిస్తే అందుకు తాను క్షమాపణలు వేడుకుంటున్నట్టు చెప్పాడు.

తానేమీ అబద్ధం ఆడడం లేదని, త్వరలో జరగనునున్న దక్షిణాఫ్రికా సిరీస్ కోసం ఎంతో ఆతృతగా ఎదురుచూస్తున్నానని చెప్పుకొచ్చాడు. అందుకోసమే విశ్రాంతి కోరానని, శరీరం ఇబ్బంది పెడుతుండడంతోనే ఈ నిర్ణయం తీసుకున్నానని వివరించాడు. ఈ సమయంలో తన ఫిట్‌‌నెస్ ను మరింత మెరుగుపరుచుకుంటానని స్పష్టం చేశాడు. చాలా తక్కువ మ్యాచ్ లే ఆడిన తాను విశ్రాంతి తీసుకోవడంలో అర్థం లేదని అభిమానులు భావిస్తే అందుకు వెరీ వెరీ వెరీ సారీ అని పాండ్యా పేర్కొన్నాడు.