టాప్ నటిని తన ప్రేమలో పడేసిన ద్రావిడ్..

Posted: 11/09/2017 04:23 PM IST

ఎంతటి పెద్ద సెలబ్రిటీ అయినా.. కాసింత రాణించిన క్రికెటర్ కు లోకువే అన్నట్లు.. క్రికెటర్లకు మన దేశంలో ఉన్న క్రేజేను తెలియజెప్పాడానికి కూడా ఇది దోహదపడుతుంది. ప్రత్యర్థులతో జరుగుతున్న మ్యాచులలో తమ అద్భుత ఆటతీరుతో రాణించి.. చిన్న పిల్లల నుంచి పెద్దవాళ్ల వరకు పెద్ద సంఖ్యలో అభిమానులను సంపాదించుకున్నారు. మరీ ముఖ్యంగా హీరోయిన్లకు యువకుల ఫాలోయింగ్ వున్నట్లు హీరోలకన్నా అధికంగా క్రికెట్ హీరోలకు మాత్రం యువతుల ఫాలోయింగే ఎక్కువని చెప్పడం అతిశయోక్తి కాదు.

మొన్నటికి మొన్న బాలీవుడ్‌ భామ కైరా అడ్వాణీ.. మహేంద్ర సింగ్‌ ధోనీతో డేటింగ్‌ చేయాలని, అతనితో కలిసి బైక్‌పై విహరించాలని ఉందని వెల్లడించింది. ఇలాంటి తన పాత జ్ఞపకాన్నే వెల్లడించిన మిస్టర్ డిఫెండబుల్ రాహుల్ ద్రావిడ్.. తన కోసం ఏకంగా ఇంట్లో చెప్పకుండా తన ఇంటికి వచ్చిన యువతిని తిరిగి వాళ్లింటికి పంపించేందుకు ఎన్ని తంటాలు పడ్డాడో కూడా ఆ మధ్య ద్రావిడ్ చెప్పేశాడు. అయితే ద్రావిడ్ తనకు తెలియకుండానే ఏకంగా ఓ హీరోయిన్ ను కూడా ప్రేమలోకి దింపేశాడు.

ఎవరా హీరోయిన్ అంటారా..? మరెవరో కాదు టాలీవుడ్‌ భామ అనుష్కను కూడా ద్రావిడ్ ప్రేమలోకి దింపేశాడు. ఈ విషయాన్ని స్వయంగా అనుష్కే చెప్పేసింది. తన అభిమాన క్రికెటర్‌ తో తాను ఎప్పుడో ప్రేమలో పడిపోయానని తెలిపింది. అమెకు తన చిన్నతనం నుంచి అతనంటే పిచ్చి. ఎంతలా అంటే ఒకానొక సమయంలో ద్రవిడ్‌తో పీకల్లోతు ప్రేమలో పడిపోయా’ అని బదులిచ్చింది. మరి రాహుల్ కు ఈ విషయం తెలిసే ప్రసక్తే లేదు.. దీంతో అనుష్క వన్ సైడ్ లవ్ ఫెయిల్యూర్ గా మిగిలిపోయింది.