మాజీ క్రికెటర్ సరదా తీరింది.. ఒకే రోజు రెండుసార్లు..

Posted: 09/11/2017 07:08 PM IST

అంతర్జాతీయ క్రికెట్ కు వీడ్కోలు పలికిన ఇంగ్లండ్‌ క్రికెటర్‌ కెవిన్‌ పీటర్సన్ చేసిన తప్పు మళ్లీ చేసి. తన సరదాను తీర్చుకున్నాడు. అయితే అతని సరదా చట్టవిరుద్దం కావడంతో అక్కడి పోలీసులు కూడా ఆయన సరదా తీర్చారు. మాజీ క్రికెటర్ అన్న బేషజాలం లేకుండా.. మామాలుగా కాకుండా ఏకంగా అరెస్టు చేసి మరీ సెల్ లో కూర్చోబెట్టి.. ఆ తరువాత వదిలిపెట్టారు. ఏదో చిన్నతప్పు చేశాడు కాబోలు అనుకుంటున్నారా..? అయితే అదే తప్పును మళ్లీ చేసి మరో విమానాశ్రయంలో పోలీసుల చేత సరదా తీర్చుకున్నాడు.

ఇంతకీ అతని సరదా ఏంటీ..? అంటారా..? మాజీ ఇంగ్లాండ్ క్రికెటర్ కు క్రికెట్ తో పాటు గొల్ప్ అంటూ కూడా చాలా ఇష్టం. అయితే, ఆ ఆట‌ను విమానాశ్రయంలో ఆడే ప్ర‌య‌త్నం చేశాడు. జెనీవాలోని విమానాశ్ర‌యంలో ఆయ‌న గోల్ఫ్‌ బంతిని ముందుకు కదపడాన్ని గమనించిన పోలీసులు అతన్ని అరెస్టు చేసిన కొద్దిసేపు స్టేషన్ లోని సెల్ లో పెట్టారు. సర్లే అనుకుని బయలుదేరి విమానం ఎక్కి.. లండ‌న్ లోని హీత్రూ విమానాశ్రయంలో కూడా అదే పనిచేశాడు.

హిత్రూ ఎయిర్ పోర్టులోనూ మళ్లీ గోల్ఫ్‌ బంతిని కదిపి.. తనను అరెస్టు చేసినా సరే తనకు ఆటపై వున్న మక్కువ ఏ మాత్రం తగ్గదంటూ తన చర్యల ద్వారా తెలిపాడు పిటీర్సన్. దీంతో అక్క‌డి పోలీసులు కూడా మరోసారి అదుపులోకి తీసుకుని సెల్ లో పెట్టారు. సరే జరిగిందేదో జరిగిపోయింది.. అని.. ఎవరికీ తెలియకుండా విషయాన్ని గోప్యంగా వుంచాల్సిన క్రికెటర్.. త‌న‌ను పోలీసులు అరెస్టు చేసిన విషయాన్ని కూడా సామాజిక మాద్యమం ద్వారా తన అభిమానులతో పంచుకున్నాడు. ఇంకనేం.. విషయం ఇప్పుడు అందరికీ తెలిసి.. ఇలానేనా గొల్ప్ అడేదంటూ కామెంట్లు పెడుతున్నారు.