హ్యాట్రిక్ సాధించిన అప్ఘనిస్థాన్ క్రికెటర్

Posted: 09/07/2017 04:58 PM IST

Rashid hat trick as defending champions tallawahs knocked out

ఈ మధ్యకాలంలో తన అటతీరుతో తరచుగా వార్తల్లో నిలుస్తున్న క్రికెటర్ ఎవరైనా వున్నారా.. అదీనూ పసికూన లాంటి జట్టుతో అంటే.. నేనున్నాను అని వినిపించే పేరు.. రషీద్ ఖాన్. ఈ ఏడాది ఐపీఎల్ లో అరంగేట్రం చేయడంతోనే హల్ చల్ చేసిన రషీద్ ను.. రూ.4 కోట్లకు సైన్ రైజర్స్ హైదరాబాద్ జట్టు తీసుకోవడంతో హాట్ టాపిక్ గా మారాడు. ఇక ఇటీవల వెస్టిండీస్ లో కరీబియన్ ప్రీమియర్ లీగ్(సీపీఎల్)లో అమెజాన్ వారియర్స్ తరపున ఆడుతున్న ఆయనను ఓ యువతి పెళ్లి ప్రపోజల్ తీసుకురావడంతో.. ఇటీవల వార్తల్లో నిలిచాడు.

ఇక తాజాగా మరోమారు కూడా సీపీఎల్ లీగ్ లో భాగంగా వార్తల్లో నిలిచాడు రషీద్. తన స్పిన్ మాయాజలంతో చెలరేగిపోతున్న రషీద్ ఇవాళ ఏకంగా తన సత్తాను చాటి హ్యాట్రిక్ వికెట్లను సాధించి మెరిసాడు. డిఫెండింగ్ చాంపియన్ జమైకా తల్హాస్ తో జరిగిన మ్యాచ్ లో రషీద్ ఈ అరుదైన ఘనతను సాధించాడు. తొలుత జమైకా జట్టు బ్యాటింగ్ కు దిగిన క్రమంలో ఇన్నింగ్స్ 15వ ఓవర్ లో రషీద్ విజృంభించాడు. హ్యాట్రిక్ ను సాధించి మళ్లీ క్రికెట్ అభిమానులకు చర్చించుకునే అంశంగా మారిపోయాడు.

15వ ఓవర్ లో హ్యాట్రిక్ వికెట్లను తన ఖాతాలో వేసుకున్నాడు. ఈ ఓవర్ మొదటి బంతికి మెక్ కార్తీ అవుట్ చేసిన రషీద్.. ఆ వెంటనే జా ఫూ ను కూడా అవుట్ చేసి వెనక్కు పంపాడు. రెండు వరుస బంతులకు రెండు వికెట్లను తీసని రషీద్.. ఇక కీలకమైన మూడో బంతికి కూడా రోవ్ మాన్ పావెల్ ను పెవిలియన్ కు పంపి హ్యాట్రిక్ ను నమోదు చేశాడు. ఈ మూడు వికెట్లను బౌల్డ్ రూపంలో రషీద్ ఖాతాలో చేరడం ఇక్కడ విశేషం. ఫలితంగా జమైకా జట్టు 20 ఓవర్లలో 8 వికెట్ల నష్టానికి.. 168 పరుగులు సాధించగా, ఆ తరువాత బ్యాటింగ్ కు దిగిన అమెజాన్ వారియర్స్ సునాయాసంగా టార్గెట్ ను చేధించింది