మూడో టెస్టులో కుల్దీప్ కు అవకాశం,,

Posted: 08/11/2017 08:47 PM IST

శ్రీలంక పర్యటనలో ఇప్పటికే టెస్టు సిరీస్ ను కైవసం చేసుకున్న విరాట్ సేన ఇక పల్లెకెలె వేదికగా శనివారం ప్రారంభం కానున్న చివరి టెస్టుపై దృష్టి సారించింది. మూడోది, చివరిది అయిన టెస్ట్ మ్యాచులో భారత రెండు టెస్టులో విజయాన్ని అందించడంలో కీలక భూమిక ఫోషించిన అల్ రౌండర్ రవీంద్ర జడేజా అంపైర్ల అగ్రహానికి గురై ఈ టెస్టులో అడే అవకాశాన్ని చేజార్చుకున్న విషయం తెలిసింది. దీంతో ఈ టెస్టులో కూడా విజయాన్ని సాధించాలని కృతనిశ్చయంతో వున్న విరాట్ అతని స్థానంలో ఎవరికి అవకాశం కల్పిస్తారన్నదే ఇప్పుడు హాట్ టాపిక్ గా మారింది.

దీంతో మూడవ టెస్టు సందర్భంగా జట్టులో కొన్ని మార్పులు చోటు చేసుకునే అవకాశాలు కనిపిస్తున్నాయి. ముఖ్యంగా జడేజా స్థానంలో కుల్దీప్ యాదవ్ కు స్థానం కల్పించాలని విరాట్ బావిస్తున్నాడు. కుల్దీప్ యాదవ్ లాంటి బౌలర్ ఎలాంటి పరిస్థితుల్లోనైనా బౌలింగ్ చేయగలడని... ధర్మశాలలో జరిగిన మ్యాచ్ లో కుల్దీప్ తనను తాను నిరూపించుకున్నాడని టీమిండియా కెప్టెన్ కోహ్లీ తెలిపాడు. రేపు జరగనున్న మ్యాచ్ లో కుల్దీప్ ఆడే అవకాశాలు కూడా ఉన్నాయని చెప్పాడు. చివరి టెస్ట్ లో కూడా గెలిచి సీరీస్ ను క్లీన్ స్వీప్ చేయడానికి కోహ్లీ సేన పట్టుదలగా ఉంది. టెస్ట్ క్రికెట్ చరిత్రలో ఇండియా ఇంతవరకు విదేశాల్లో సిరీస్ ను క్లీన్ స్వీప్ చేయలేదు.