ఆర్థిక నేరస్థుడు.. కోహ్లీకి కూడా షాకిచ్చాడిలా..

Posted: 06/06/2017 06:17 PM IST

చాంపియన్స్ ట్రోఫీలో భాగంగా ఎడ్జ్ బాస్టన్ లో పాకిస్తాన్ తో జరిగిన తొలి మ్యచ్ లో వీఐపి అడియన్ల మధ్య కూర్చోని యదేశ్చగా మ్యాచ్ ను వీక్షించిన ఉద్దేశపూర్వక అర్థిక నేరస్థుడు విజయ్ మాల్యా.. అటు టీమిండియా జట్టుతో పాటు అభిమానులకు కనిపించి షాకిచ్చారు. పరారీలో వున్న విలాసాలకు ఏమాత్రం తక్కువ లేదంటూ దర్జాగా భారత్ పాకిస్తాన్ మ్యాచ్ ను వీక్షించాడని మాల్యాపై దాదాపు అన్ని మీడియా చానళ్లు, ఇటు ప్రింట్ మీడియా కూడా వార్తలను ప్రచారం చేశాయి.

దీనిపై స్పందించిన మాల్యా తాను మ్యాచ్ కు రావడంపై మీడియా కవరేజి సెన్సేషనల్‌గా ఉందని, అయితే తాను మొత్తం అన్ని మ్యాచులకు వచ్చి భారత జట్టును అలరిస్తానని చెప్పాడు. అంతేకాదు ఏకంగా విరాట్ కోహ్లీని పొగడ్తలతో ముంచెత్తాడు. టోర్నీ తొలిమ్యాచ్‌లోనే పాకిస్తాన్ జట్టును చావుదెబ్బ కొట్టిన టీమిండియాను అభినందించాడు. వరల్డ్ క్లాస్ ప్లేయర్, వరల్డ్ క్లాస్ కెప్టెన్, వరల్డ్ క్లాస్ జెంటిల్మన్ అంటూ పొగిడేశాడు. బ్రేవో విరాట్ అంటూ కితాబిచ్చాడు.

 ఇదిలావుండగా, మ్యాచ్ అనంతరం కూడా ఏకంగా విరాట్ కోహ్లీకి షాకిచ్చాడు మాల్యా. విరాట్ కోహ్లీ ఇచ్చిన ఛారిటీ డిన్నర్‌లో కూడా ప్రత్యక్షమై షాకిచ్చాడు. ఛారిటీ డిన్నర్ కు మాల్యా హాజ‌రైన‌ప్పటికీ, టీమిండియా ఆట‌గాళ్లెవ‌రూ మాల్యాను ప‌ల‌క‌రించ‌లేదని బిసిసిఐ తెలిపింది. మాల్యాను ఎదురుగా ఉంచుకుని ఆట‌గాళ్లు చాలా ఇబ్బందికి గుర‌య్యార‌ని చెప్పిన బీసీసీఐ ఆయ‌న్ను దూరంగా ఉంచిన‌ట్లు పేర్కొంది. స్వదేశంలో వివిధ బ్యాంకులకు దాదాపు రూ. 3వేల కోట్ల వరకు బాకీపడి, వాటిని తీర్చాలని గట్టిగా ఒత్తిడి వస్తుండగానే ఎక్కడ అరెస్టు చేస్తారోనన్న భయంతో రాత్రికి రాత్రే తట్టాబుట్టా సర్థుకుని లండన్ వెళ్లిపోయిన విషయం తెలిసిందే.