నాల్గో టెస్టులోనూ షమీ లేడు.. గాయంతో నెట్స్ దూరంగా కోహ్లీ

Posted: 03/23/2017 09:16 PM IST

పర్యటక జట్టు అస్ట్రేలియాతో ఈ నెల 25 నుంచి జరగనున్న తుది టెస్టు కోసం టీమిండియా జట్టు ధర్మశాల స్టేడియంలో ప్రాక్టీసు సెషన్ లో పాల్గోనగా, టీమిండియా కెప్టెన్ విరాట్ కోహ్లీ మాత్రం నెట్స్ వద్దకు ఆటగాళ్లతో చేరకున్న కొద్దిసేపటికి అక్కడి నుంచి వెళ్లిపోయారట. ఇటీవల రాంచీ వేదికగా జరిగిన మూడోవ టెస్టు తొలి ఇన్నింగ్స్ సందర్భంగా అన్ ఫీల్డ్ లో వుండగా బౌండరీకి తరలుతున్న బంతిని అపే క్రమంలో కుడిభుజంపై పడిన ఆయన గాయపడ్డాడు. ఇవాళ ప్రాక్టీసు సెషన్ కూడా భుజానికి బ్యాండేజీ కట్టుతో వచ్చిన ఆయన నోప్పి కారణంగా వెళ్లిపోయారు.

ఇదిలావుండగా ధర్మశాల వేదికగా జరుగుతున్న నాల్గో టెస్టులో టీమిండియా పేసర్ మహమ్మద్ షమీని తీసుకుంటారంటూ వచ్చిన వార్తల్లో కూడా నిజం లేదని తేలిపోయింది. షమీని నాల్గో టెస్టుకు ఎంపిక చేశారని, అందుకనే అయన ధర్మశాలకు వచ్చారన్న వార్తలు నిజం కాదని, గాయం కారణంగా జట్టుకు దూరమైన ఆయనను టీమిండియా వైద్యులు పరిశీలిస్తున్నారని, ఈ క్రమంలోనే ఆయన ధర్మశాలకు చేరుకున్నట్లు వార్తలు వెలువడ్డాయి. అయితే రాంచీలో షమి వున్నాడని టీమిండియా వర్గాలు తెలిపాయి. కాగా జట్టు తుది జాబితాలో షమీకి స్థానం కల్పించలేదని బిసిసిఐ వర్గాల సమాచారం.