అస్ట్రేలియా సిరీస్ కు అందుబాటులో వుంటా: రోహిత్

Posted: 01/08/2017 01:37 PM IST

గత కొంతకాలంగా తొడ కండరాల గాయంతో బాధపడుతున్న టీమిండియా ఓపెనర్ రోహిత్ శర్మకు ఎదురుచూపులు తప్పడం లేదు. రోహిత్ శర్మ ఇంకా గాయం నుంచి ఇంకా కోలుకోపోవడంతో త్వరలో ఇంగ్లండ్తో జరిగే పరిమిత ఓవర్ల సిరీస్కు  అతన్ని ఎంపిక చేయలేదు. ఇటీవల న్యూజిలాండ్ తో జరిగిన వన్డే సిరీస్ ఆఖరి మ్యాచ్లో రోహిత్ శర్మ గాయపడ్డాడు. దాంతో రోహిత్కు సుదీర్ఘ విశ్రాంతి అవసరమైంది. అయితే  ఇంగ్లండ్ తో వన్డే , ట్వంటీ 20 సిరీస్ లో భాగంగా భారత జట్టు ఎంపిక నాటికి రోహిత్ ఫిట్ అవుతాడని అనుకున్నా అదీ జరగలేదు.

తన ఫిట్నెస్పై తాజాగా స్పందించిన రోహిత్.. వచ్చే నెల్లో ఆస్ట్రేలియాతో జరిగే సిరీస్కు అందుబాటులోకి వస్తానని ఆశాభావం వ్యక్తం చేశాడు. 'నేను ఇంకా ఫిట్కాలేదు. దాంతోనే ఇంగ్లండ్తో పరిమిత ఓవర్ల సిరీస్కు నన్ను ఎంపిక చేయలేదు. నా ఫిట్ నెస్ ను పరిగణలోకి తీసుకుని నన్ను ఎంపిక చేయని వారికి ఈ సందర్భంగా ధన్యవాదాలు. నా ప్రస్తుత టార్గెట్ ఆసీస్తో సిరీస్. అప్పటికి అంతా సవ్యంగానే ఉంటుందని భావిస్తున్నా' అని రోహిత్ పేర్కొన్నాడు.