సంజయ్ బంగర్ ను రీప్లేస్ చేయనున్న సెహ్వాగ్

Posted: 12/24/2016 07:19 PM IST

ఇండియన్ ప్రీమియర్ లీగ్(ఐపీఎల్) ప్రారంభంమైనప్పటి నుంచి పోటీలో కొనసాగుతున్న ఇప్పటి వరకు ఒక్కసారి టైటిల్ ను సాధించని పంజాబ్ కింగ్స్ ఎలెవన్ జట్టులో మార్పులకు శ్రీకారం చుట్టనుంది. ప్రముఖ బాలీవుడ్ నటి ప్రీతీ జింటా సహ యాజమానురాలిగా వున్న ఈ జట్టులో మార్పులకు అమె సమ్మతించినట్లు అయితే మార్పులు జట్టలోని సభ్యుల విషయంలో కాకుండా జట్టు కోచ్ విషయంలోనే తీసుకునేందుకు చకచక పావులు కదుపుతున్నారు. ఈ మార్పుతో తమ ప్రదర్శనను మెరుగు పరుచుకోవాలనే యోచనలో జట్టు యాజామాన్యం ఉంది.  ప్రధానంగా కింగ్స్ పంజాబ్ కోచ్ సంజయ్ బంగర్ స్థానంలో వీరేంద్ర సెహ్వాగ్ను  నియమించుకునేందుకు సన్నాహాలు చేస్తోంది.

గత రెండు ఐపీఎల్ సీజన్లో లీగ్ దశలోనే పోరును ముగించిన పంజాబ్.. ఈసారి ఎలాగైనా టైటిల్ దక్కించుకోవాలనే పట్టుదలతో ఉంది. దీనిలో భాగంగానే గతంలో కింగ్స్ పంజాబ్ సభ్యుడిగా ఉన్న సెహ్వాగ్ను కోచ్గా నియమించడానికి కసరత్తులు చేస్తోంది. ఐపీఎల్ తొలి ఎడిషన్(2008)లో సెమీ ఫైనల్ వరకూ వెళ్లిన కింగ్స్ పంజాబ్.. ఆ తరువాత 2014లో మాత్రమే ఫైనల్ వరకూ వెళ్లింది. మిగతా సీజన్లలో కింగ్స్ ఘోరంగా విఫలమై లీగ్ స్టేజ్ను దాటలేకపోయింది. దాంతో కనీసం కొన్నిమార్పులు చేసి, తమ తలరాతను మార్చుకోవాలని కింగ్స్ పంజాబ్ వ్యూహాలు రచిస్తోంది. దీనిలో భాగంగానే కొత్త కోచ్ గా సెహ్వాగ్ పేరును తెరపైకి తీసుకొచ్చారు.