యాషెస్ డే-నైట్ టెస్టుపై జాన్సన్ విముఖత

Posted: 12/17/2016 06:47 PM IST

వచ్చే ఏడాది జరుగనున్న యాషెస్ సిరీస్లో ఒక టెస్టును డే అండ్ నైట్ మ్యాచ్గా నిర్వహించాలన్న క్రికెట్ ఆస్ట్రేలియా(సీఏ) ప్రతిపాదనను ఆ దేశ మాజీ బౌలర్ మిచెల్ జాన్సన్ ఖండించాడు. యాషెస్ సిరీస్లో ప్రయోగాలు చేయడం ఎంతమాత్రం సమంజసం కాదంటూ ధ్వజమెత్తాడు.పింక్ బాల్ మ్యాచ్ అంటే ఓవరాల్గా భిన్నంగా ఉంటుందని, అందుచేత యాషెస్లో డే అండ్ నైట్ మ్యాచ్ అవసరం లేదన్నాడు.క్రికెట్ ఆస్ట్రేలియా తీసుకున్న ఈ నిర్ణయం తనను నిరుత్సాహానికి గురి చేసిందన్నాడు. ఈ తరహా టెస్టు క్రికెట్ను తాను ఊహించడం లేదని విమర్శించాడు.

'సాధారణంగా అడిలైడ్ టెస్టు క్రికెట్లో గ్రాస్ అనేది ఉండదు. కాకపోతే ఇటీవల జరిగిన రెండు డే అండ్ నైట్ టెస్టుల్లో అడిలైడ్లో చాలా ఎక్కువ మోతాదులో పచ్చదనం చూశాం. ఈ రకంగా ఉండటం బౌలర్లదే పైచేయి అవుతుంది. ఒక బౌలర్గా నేను సంతోషంగా ఉండాలి. కానీ మ్యాచ్ గణాంకాలు ఒక్కసారిగా మారిపో్యే ప్రమాదం ఉంది. ఈ పద్ధతిని నేను ఇష్టపడను' అని మిచెల్ జాన్సన్ తెలిపాడు.వచ్చే ఏడాది నవంబర్లో ఆసీస్-ఇంగ్లండ్ జట్ల మధ్య జరిగే యాషెస్ సిరీస్ షెడ్యూల్ను కొన్ని రోజుల క్రితం విడుదల చేసిన సంగతి తెలిసిందే. దానిలో భాగంగా రెండో టెస్టును అడిలైడ్లో పింక్ బాల్ నిర్వహించేందుకు సీఏ అంగీకారం తెలిపింది.